大家樂 (駱克道)

营业中

休息中

又係一個平凡返工既早上，日日食三文治食到悶悶地，今日忽然好想食炒蛋煎腸仔，就入左大家樂買早餐外賣。早餐以粉麵或各式雞扒、魚柳、牛扒等為主，講真朝早唔想食咁飽，所以我睇中左輕量既牛乳炒滑蛋餐。揀左E1炒雙蛋、煎腸仔、多士同熱華田，共$27.5。拎到返公司已經唔太熱喇，開頭覺得用黎裝炒蛋同腸仔既腸盒大得有d誇張，原來兩款食材都各自配左唔同醬汁，又幾有誠意喎。 腸仔只係白烚而唔係想像中既香煎，炒蛋以主打黎講竟然幾鞋下，有d失望。最離奇既係盒牛油係冇熱食既情況下成盒都融哂，食個時都有少少擔心有冇變壞。