影片
更多
2013-09-28
59 浏览
豬扒首領第一篇食評,多多指教!要追溯到4月,見到D食評已經流哂口水,終於的起心肝跟大隊!不出所料,排隊由餐廳門口排到大廈大堂,但"好彩"地只排了個半鐘,終於到啦!入到門口,成個感覺似去左台灣,裝修,擺設,待應都台灣feel(有操台灣口音國語既帥哥和美媚啊)!食物:1)指定: 草莓冰淇淋鬆餅$58吉士醬同草莓冰淇淋好正呀!!如果要挑剔的話,就是鬆餅反而成為配角,因為嫌佢有少少硬身,唔夠鬆軟,但熱辣辣,整體上好好味呀!!!首領認為甜度適中,相信每枱一定會點呢款!!2)咖哩牛腩（$68）因為原先想食既里肌起士可頌竟然賣哂!?迫住揀第二樣,咖哩牛腩,但揀錯左,唔係唔好食,而係冇特別,咖哩弱辣味道唔錯,汁多肉少,肉質稍硬加上4片凍凍地,質地唔軟唔硬既法包,簡直扣分!3)熱鮮果茶（$58）一大壺,簡直係3-4人份量,生果頗多(有蘋果,橙,熱情果核等等),當中放有茶包,首領雖然嗜甜,但亦略嫌太甜吧,若稍稍減甜就好啦!4) 冰美式MOCHA咖啡呢杯味道濃郁,關鍵應該在於毫不吝惜加左好多好多好似唔使錢既忌廉吧!飲到底都仲有大把,實在Creamy,但配合咖啡又不太膩,首領我好滿意啊!!讚!!!
要追溯到4月,見到D食評已經流哂口水,終於的起心肝跟大隊!
不出所料,排隊由餐廳門口排到大廈大堂,但"好彩"地只排了個半鐘,終於到啦!入到門口,成個感覺似去左台灣,裝修,擺設,待應都台灣feel(有操台灣口音國語既帥哥和美媚啊)!
食物:
1)指定: 草莓冰淇淋鬆餅$58
吉士醬同草莓冰淇淋好正呀!!如果要挑剔的話,就是鬆餅反而成為配角,因為嫌佢有少少硬身,唔夠鬆軟,但熱辣辣,整體上好好味呀!!!首領認為甜度適中,相信每枱一定會點呢款!!
2)咖哩牛腩（$68）因為原先想食既里肌起士可頌竟然賣哂!?迫住揀第二樣,咖哩牛腩,但揀錯左,唔係唔好食,而係冇特別,咖哩弱辣味道唔錯,汁多肉少,肉質稍硬加上4片凍凍地,質地唔軟唔硬既法包,簡直扣分!
3)熱鮮果茶（$58）一大壺,簡直係3-4人份量,生果頗多(有蘋果,橙,熱情果核等等),當中放有茶包,首領雖然嗜甜,但亦略嫌太甜吧,若稍稍減甜就好啦!
4) 冰美式MOCHA咖啡呢杯味道濃郁,關鍵應該在於毫不吝惜加左好多好多好似唔使錢既忌廉吧!飲到底都仲有大把,實在Creamy,但配合咖啡又不太膩,首領我好滿意啊!!讚!!!
题外话/补充资料：
豬扒首領出街食飯揸住一個原則: 性價比!!!性價比決定客人會唔會幫襯第二次,或下次肚餓時會唔會諗起你間餐廳! (豬扒首領評分: 7/10 ) 咖啡弄食物賣相一流,待應上菜時,你總會"嘩"一聲,食物外表令人覺我賞心悅目,加上對台式料理特別有好感,對台灣人特別有好感(是個人偏愛?!),待應親切態度加分不少!但有兩個最大不足之處,建議食物份量可稍稍減少,價錢相對稍減,客人就可以多試幾款啦!第二就係,排隊時間真係太長,嚇怕左唔少想試既人,用餐時間既限制亦令人少左一份悠閒嘆茶的感覺啊!(畢竟台灣是有很多精品咖啡店比客人hea的嘛!)只能慨嘆.......呢度係香港呀!!!首領只能嘆一句,要排隊,試過一次就算,第二次就要考慮下先啦
(以上食记乃用户个人意见 , 并不代表OpenRice之观点。)
张贴
