悅火 (已結業)

朋友話食廚師發辦，去咗尖沙咀港晶中心地下嘅一間餐廳食。第一次食廚師發辦，充滿期待，價格都頗高，一位大約$1800。餐廳嘅環境係日式風格，掛滿日式燈籠，日本畫，佈置日式園景，成個感覺真係好似喺日本咁！😋明太子魷魚漬伴三文魚子,香魚甘露煮,水果蕃茄,磯粒貝，你幾道菜擺喺同一個碟上面，大概非常精緻，用嚟打卡都好靚。有明太子魷魚🦑係我最鍾意食嘅。水果蕃茄亦非常鮮甜。😋毛蟹刺身,馬糞海膽配青檸啫喱，呢個非常新式嘅配搭，青檸啫喱放入口溶化，即刻變成左刺身同海膽嘅醬汁，非常清爽。😋北寄貝，帶子，樽菜，好有傳統日式味道，味道不錯。😋煙熏鰆魚，好香嘅煙熏味同好香嘅魚味。😋深海池魚,白身魚薄切，刺身係一種好鮮嘅味道。😋北海道蝦夷鮑魚，鮑魚肉好有口感，啖啖鮮甜味。😋A4和牛，超正和牛，一份有四件，配埋蒜片加上檸檬汁一齊食，味道更有層次。😋炸物，非常香脆，秋葵炸得非常好食。冬菇又脆又柔軟嘅口感。😋壽司八品分別有油甘魚，沙錐魚，富山白蝦，拖羅，吞拿魚，金目鯛，赤鯥魚，海膽，每一款都好正，吞拿魚入口即溶味道濃郁。😋卷物係三文魚卷物。😋鯛魚清湯嘅顏色非常清淡，但充滿魚嘅鮮味。😋時令水果蜜瓜，超級多汁，清甜又解渴。