帝樂 - 德國餐廳 (美利樓) (已結業)

上星期五男友生日. 係網上見到食評好好, 男友亦指定要呢間餐廳食晚飯慶祝佢o既生日. 另外呢度位於赤柱, 晚上街道附近o既環境好浪漫~ 快樂o既心情令到呢一餐更加完美! 仲有, 個度有人唱歌, 氣氛好好! 好, 睇下個二人套餐內容先:頭盤●自製面包配牛仔肝慕絲及香草芝士醬(有唔同o既面包, 再加上d醬, 好好味哦... 兩種醬我都鍾意!)●黃金蝦雜菜沙律(嘩, d蝦超好味!!)●薄切啫喱豬肉腸配油醋汁(好好味, 未試過咁食豬肉腸... 正!)主菜●雜錦腸配酸椰菜燒薯(d腸我男友鍾意食都不得了!)●帶子、小龍蝦仔及三文魚串配龍蝦汁(帶子同三文魚串都好好味, 反而個龍蝦仔好普通~)甜品●意大利芝士餅(我覺得唔錯, 男友反而覺得好味過九龍塘o既Little Italy的Tiramisu.. =_=!. 果然每人口味不同吓!)●焦糖燉蛋(非常好味!!)飲品●凍檸茶, 另外叫左一杯德國啤酒, 酒味好特別, 好大陣小麥味!!依家諗起仲流緊口水呢!嘻嘻~呀, 唔記得要讚一讚佢個度d服務好好, 尤其是有個男經理服務好細心呢!