影片
更多
2017-01-20
130 浏览
今晚Girls talk飯局～ 想試試新野～朋友極力推薦食奈良釜飯～ 大鄉里既我完全未去過奈良，亦未食過釜飯，第一次就比左今晚晚奈良上釜餐牌入面既每一款釜都好靚仔，好吸引～款款都想食～好難揀丫～ 未柯打已經好期待喇～ 款式唔算多，十幾款！但我個人認為，貴精不貴多！好食，賣一樣都夠！唔好食，比千款我揀都無用！待應話佢地既海鮮日日新鮮運到！確保食品既質素！希望客人食最好既野！ 聽完我覺得間店真係好有heart 丫～我地柯打左七盛釜同埋海膽釜前菜有（左起）：漬物，茶碗蒸，麻醬豆腐超級推薦：茶碗蒸有鮮蝦、魚子、冬菇、魚子醬、海膽既蒸蛋。面頭既出奇地蝦爽身，蛋汁食得出有濃郁既海鮮味～好鮮甜，蛋滑到自己瀡落喉嚨～。揾湯匙一「畢」，你會見到有海膽，有黑松露加上魚子既咸香，令整個蒸蛋味道多左層次。眼見佢地用既食材真係非常足料！落足本去整！絕對唔係好似出面啲店咁渣樓灘！前菜已經好有驚喜～令人更期待之後既釜飯。另外，仲有魚生片，吞拿魚同埋油甘魚都非常厚切，肉質厚實鮮美。蝦亦非常結實彈牛牙～ 最愛食刺身～ yummy yummy 味噌湯，味濃料足～連平時少飲味噌湯既我都飲曬主角上場喇！一打開個木蓋，大聲嘩左
餐牌入面既每一款釜都好靚仔，好吸引～款款都想食～好難揀丫～ 未柯打已經好期待喇～ 款式唔算多，十幾款！但我個人認為，貴精不貴多！好食，賣一樣都夠！唔好食，比千款我揀都無用！待應話佢地既海鮮日日新鮮運到！確保食品既質素！希望客人食最好既野！ 聽完我覺得間店真係好有heart 丫～
我地柯打左七盛釜同埋海膽釜
前菜有（左起）：漬物，茶碗蒸，麻醬豆腐超級推薦：茶碗蒸
有鮮蝦、魚子、冬菇、魚子醬、海膽既蒸蛋。面頭既出奇地蝦爽身，蛋汁食得出有濃郁既海鮮味～好鮮甜，蛋滑到自己瀡落喉嚨～。揾湯匙一「畢」，你會見到有海膽，有黑松露加上魚子既咸香，令整個蒸蛋味道多左層次。眼見佢地用既食材真係非常足料！落足本去整！絕對唔係好似出面啲店咁渣樓灘！前菜已經好有驚喜～令人更期待之後既釜飯。
另外，仲有魚生片，吞拿魚同埋油甘魚都非常厚切，肉質厚實鮮美。蝦亦非常結實彈牛牙～ 最愛食刺身～ yummy yummy
味噌湯，味濃料足～連平時少飲味噌湯既我都飲曬
主角上場喇！一打開個木蓋，大聲嘩左下～好多海膽丫～面層係新鮮海膽，下層係海膽配秘制醬汁打成既海膽膏～
待應教我地將啲海膽同啲飯撈勻～撈丫撈下撈～ 好好食～ 飯好creamy~ 好漿口～ 海膽既鮮味配上帶甜既海膽膏～吊起左鮮海膽既味道，加上菇、豆既味道，配上用高湯煮既釜飯，令釜飯多左好多唔同層次～ 好有內涵既飯丫～
七盛釜既主角係鮑魚、蝦、蟹肉、配以白本菇、冬菇、荷蘭豆。一大開個蓋，熱到出煙，香氣四溢～
撈既時候，你會發現全個鍋底都係飯焦～但佢地既飯焦完全無黑、無「火農」，真正既黃金飯焦香脆可口！飯焦愛好者，絕對一試愛上！
同海膽釜一樣，係咁撈，將飯同餸起勢撈勻～
撈勻之後，梗係馬上起筷啦！飯由高湯煮成，每粒飯仔都飲飽高湯，粒粒飽滿漲卜卜，煙韌咸香，配上每日運到店既新鮮海鮮，簡直好食到不要不要～
食既時候記得加啲魚子上去，增加口感第一次食釜飯真係好有驚喜，下次會再黎食～
张贴
