影片
更多
2018-03-02
190 浏览
因為上網睇到而專誠黎一嚐土耳其菜，一早book好枱，老闆亦好細心將地址send俾我哋，所以就好容易搵到間鋪頭。上到去之後一入門口已經有四隻卡菲貓迎接我哋，不過佢哋全部都係籠裏面，所以就算怕小動物嘅都唔驚佢哋會出嚟。一坐低已經有一個操流利廣東話嘅土耳其女士介紹菜單。佢哋分別有幾個唔同嘅價錢，每一個價錢都會準備幾道菜式，250就有五道菜，300就有六道菜， 如此類推。。。 咁我哋就Order左＄300嘅六道菜，＋2杯野飲，佢另外仲會附送甜品。頭盤有土耳其沙律味道帶酸，感覺開胃！蕃茄亦好新鮮！第二道菜係土耳其烤雞，烤雞醬汁惹味，配埋乳酪醬汁味道的確幾好，烤雞下邊仲有炒飯配搭。第三道菜係炸茄子薯仔，由於係炸所以茄子會吸油比較多，薯仔就炸得好脆。亦都有配埋土耳其乳酪醬汁。而喺烹調其餘幾道菜嘅同時， 我哋都order 左一杯原味嘅土耳其咖啡，佢另外再配土耳其糖一齊飲用，先飲一啖咖啡，然後再食咗粒糖，然後再成日粒糖，再飲一啖水。呢個係老闆教嘅。佢亦都有講過飲呢啲咖啡唔會驚瞓唔到。所以夜晚去都冇問題。老闆問我想唔想試吓整土耳其咖啡，之後佢就叫左我去試吓整，呢個老細相當鬼馬。所以我就可以一嚐整土耳其咖啡
上到去之後一入門口已經有四隻卡菲貓迎接我哋，不過佢哋全部都係籠裏面，所以就算怕小動物嘅都唔驚佢哋會出嚟。
一坐低已經有一個操流利廣東話嘅土耳其女士介紹菜單。佢哋分別有幾個唔同嘅價錢，每一個價錢都會準備幾道菜式，250就有五道菜，300就有六道菜， 如此類推。。。
咁我哋就Order左＄300嘅六道菜，＋2杯野飲，佢另外仲會附送甜品。
頭盤有土耳其沙律
味道帶酸，感覺開胃！蕃茄亦好新鮮！
第二道菜係土耳其烤雞，烤雞醬汁惹味，配埋乳酪醬汁味道的確幾好，烤雞下邊仲有炒飯配搭。
第三道菜係炸茄子薯仔，由於係炸所以茄子會吸油比較多，薯仔就炸得好脆。亦都有配埋土耳其乳酪醬汁。
而喺烹調其餘幾道菜嘅同時， 我哋都order 左一杯原味嘅土耳其咖啡，佢另外再配土耳其糖一齊飲用，先飲一啖咖啡，然後再食咗粒糖，然後再成日粒糖，再飲一啖水。呢個係老闆教嘅。佢亦都有講過飲呢啲咖啡唔會驚瞓唔到。所以夜晚去都冇問題。
老闆問我想唔想試吓整土耳其咖啡，之後佢就叫左我去試吓整，呢個老細相當鬼馬。所以我就可以一嚐整土耳其咖啡👏🏾👏🏾👏🏾
第四道菜係蜜桃配炸魚柳。由於前後兩款都係炸嘢，所以呢個魚柳配埋蜜桃，冇滯嘅感覺之餘仲覺得開胃。
到第五樣，係烤羊卷。雖然望落好普通，但係唔係好食羊嘅我都覺得好好味，佢出面個皮唔太厚，但有口感。加上卷喺裏面嘅羊好多汁，唔會好似覺得食咁少都乾晒嘅柴咁，真係值得一試！
第六道菜係牛肉pizza
不得不說， 呢個牛肉Pizza真係做得好好，佢個皮唔厚，但薄得來拎上手係唔會爛，芝士好重料，仲陪埋個脆脆邊，如果鍾意食Pizza嘅朋友，不妨上嚟試一試！
最後當然到甜品！
甜品係土耳其特產嘅棉花糖，仲有兩舊比較甜嘅甜品，我食唔到係乜嘢，佢一粒粒好似豆咁樣，但係食完記得飲水，佢哋叫呢個做cartoon Candy hahaa..唔知係咪畫個樣上去就係cartoon 呢
留意，每一道菜都係一樣一樣咁上菜，如果趕時間嘅話可以叫老細快少少一次過都得，如果唔趕，其實一樣一樣咁樣上都係一個唔錯嘅選擇，可以慢慢咁樣享受呢一個有土耳其特色嘅晚上。
呢間鋪頭嘅老細真係好親民，好funny😂😂
臨走之前佢知我將會睇戲，佢仲拎咗個杯裝左啲Candy入去俾我睇戲食，呢啲老細係邊搵？😏😏😏😏
张贴
