影片
更多
2010-08-17
52 浏览
唔理仲有幾篇froyo食評等緊，點都要插隊寫左呢篇先，因為真係好失望，點解可以退步成咁？食左肥姐都兩三年，每次去都會食豬頭肉/豬心/豬脷，至少都食2串，肥姐已經係我出旺角必訪的地方。是日有事出旺角，原本喪食之旅係打算試完大蕃薯、crumbs、funky同雲桂香就已經食飽，點知最後兩站實在頗失望，所以打算去肥姐度補償下，點知更加傷心是次叫左2串，豬頭肉+豬脷各一，食豬頭肉時已覺得唔多妥，今日所食比平日食的較硬和脆，好聽是爽口，唔好聽是硬！到想食豬脷的時候，看看手中一串，點解會有一粒一粒、疑似「生o野」的形狀？就著昏黃街燈一看，holy cow！！點解d豬脷的脷苔無刮乾淨，成層皮仲"痴"係度？！唔怪之得好似異形咁樣啦！！點解d咁核突的脷苔，肥姐可以洗都唔洗，煮熟左就賣比人？睇到樓下幾篇食評提到豬生腸有臭味，可能呢個係個人味覺，但呢個脷苔係眼見為憑、無花無假！！唔通生意好到已經無時間洗？？肥姐唔係一向出名在有心機，幾蚊串的小食都努力處理好的嗎？？？？如果連脷苔都唔刮，唔怪之得有人食到生腸有異味啦！一發現果d係脷苔，我當場食慾全無，匆匆食左其中無脷苔的2件之後，我就成串丟左啦！！我諗我以後應該
食左肥姐都兩三年，每次去都會食豬頭肉/豬心/豬脷，至少都食2串，肥姐已經係我出旺角必訪的地方。是日有事出旺角，原本喪食之旅係打算試完大蕃薯、crumbs、funky同雲桂香就已經食飽，點知最後兩站實在頗失望，所以打算去肥姐度補償下，點知更加傷心
是次叫左2串，豬頭肉+豬脷各一，食豬頭肉時已覺得唔多妥，今日所食比平日食的較硬和脆，好聽是爽口，唔好聽是硬！到想食豬脷的時候，看看手中一串，點解會有一粒一粒、疑似「生o野」的形狀？
就著昏黃街燈一看，holy cow！！點解d豬脷的脷苔無刮乾淨，成層皮仲"痴"係度？！唔怪之得好似異形咁樣啦！！點解d咁核突的脷苔，肥姐可以洗都唔洗，煮熟左就賣比人？
睇到樓下幾篇食評提到豬生腸有臭味，可能呢個係個人味覺，但呢個脷苔係眼見為憑、無花無假！！唔通生意好到已經無時間洗？？肥姐唔係一向出名在有心機，幾蚊串的小食都努力處理好的嗎？？？？如果連脷苔都唔刮，唔怪之得有人食到生腸有異味啦！
一發現果d係脷苔，我當場食慾全無，匆匆食左其中無脷苔的2件之後，我就成串丟左啦！！我諗我以後應該都唔想再幫襯肥姐，始終佢賣都係內臟裡，連刮脷苔呢d最基本處理都做唔好，莫講話要佢將d生腸洗乾淨學王祖藍話齋︰「我接受唔到囉」！！！
张贴
