尚鮮海鮮料理 (已結業)

我是第一次朋友介紹來的，她同我講cwb環境比較好點，所以我便約了幾個好友來試試，因打邊爐通街都係，已經無點新意。昨天來了cwb，訂了一個蟲草花花膠湯底，7個大人，個蟲草花湯底超正，還有象拔蚌刺身好新鮮，不過唔知點解無左個象拔蚌個膽，這點有需要改善。百花釀油條很香口，四色丸尚盛都好特別，丸內的料外面是吃不到的，而且都好彈牙，蟹皇餃啲料也是挺好，牛肉塔就不太理想除左安格斯牛肉，牛柳粒和牛舌都比韌，所以我唔會推薦吃這個，雖然賣相很美觀，但始終吃落不太理想。墨魚滑釀冬菇都夠彈牙，豬豚肉都普普通通，因有朋友唔食牛，所以為她叫一了一份豬，其它豬皮，豬紅，皇帝菜。最驚喜就是個韓國午餐肉，因唔係周圍有得食，而且真係好好食。整體來說都值得一試個湯底實在太美味，也會再光臨，服務態度都很好，不過就有點不細心，坐了很久，水都無杯，又無問我們需要飲什麼，這點需要改善。而價錢都算可以接受，如果多人去會比較好，可以試更多款式。