Home‧焙小日子 (希慎廣場) (已搬遷) 新店位置

我係無飯煮婦，對於整野食我係一曉不通，好姐妹決定帶我去學新野，佢話活到老學到老🤣就帶我黎去咗銅鑼灣嘅Home.焙小日子 整蛋糕🙆🏻‍♀️佢係一間提供晒食材，有齊烘焙設備嘅自助烘焙店，地方夠大，有足夠空間俾我哋慢慢整，而且在場有員工協助，絕對唔使擔心做唔到😍😍我就揀咗月球蛋糕，揀好後店員會提供圍裙、iPad 、計時器同裝私人物品既籃，然後講解工具、材料同烘焙設備既位置就可以開始😍😍iPad 入面有晒整蛋糕嘅詳情，有文字同影片講解，每個Step都好清楚，由0️⃣開始慢慢完成個蛋糕，真係唔容易但大滿足💕整個過程大約兩個半鐘左右，而最想稱讚係啲員工好貼心好專業，樂意幫忙，辛苦佢地幫手清潔用完既工具🥹🥹🥹蛋糕係4️⃣層鬆軟既伯爵紅茶戚風，再係每層蛋糕中間搽咗柚子醬。之後可以上Cream，然後可以揀食用色素，我就揀咗粉紅色😍😍，最後再淋埋白朱古力，由上而下係蛋糕側面慢慢流落黎，原來係咁整出嚟，加上七彩顏色既棉花糖同金色彩糖做點綴，perfect🙆🏻‍♀️成就解鎖😂靚到唔捨得食❣️去前記得預早係網上預約，而時間選擇都有好多。