佢有好幾款拉麵，餐牌唔記得要影
我就揀左一碗價值85蚊嘅混亂玉子拉麵
提一提，佢有得揀免費配料份量，者係有得揀野菜(者係芽菜)，大蒜同背脂先生(者係油)
有得揀唔要，少，正常，一倍，兩倍同三倍
另外仲有得加錢加其他配料
而我就冇加錢加配料，野菜揀左一倍， 大蒜同背脂先生就揀左正常
自己少食肥膩野，覺得真係好油
但係味道相當好味，湯底味濃，又唔覺係多味精，因為食完冇口乾
而隻蛋唔會係整到好un個d，豬肉又唔會鞋
整體黎講係好食
不過可能少食肥膩野嘅關係，我6點零食完，返到屋企有d瀉，建議唔食開肥膩野嘅人，背脂先生可以揀少或者唔要
