富興潮州粉麵

营业中

休息中

今日同家人諗住先食啲嘢，跟住就去買餸及日用品。家人想食粉麵，我就上網略為睇睇附近餐廳資料後，就決定試下富興，因大致上食評都幾好。餐廳地方並唔算大，不過環境都算乾淨。家人叫咗牛膀及魚蛋雙併河粉，牛膀OK，魚蛋就好普通。家人原本打算外賣啲生魚蛋返屋企，不過試咗就話都係去第二度買。我叫咗牛腩飯，牛腩都算夠淋夠香，有小小肥，而份量一般。飲品方面，凍奶茶走甜反而有啲驚喜，茶都算夠濃。唯一於享用緊食物的時候，幾位職員不停地大聲傾計，都幾煩擾。