Burger Republic (已結業)

上星期五同同事黎呢度食LUNCH。同事話LUNCH 時間好FULL﹐所以之前打電話BOOK左位。12:45去到﹐仲有空位﹐不過大部份都已經RESERVED 左。地方雖然吾大﹐但都幾乾淨﹐卡位坐得好舒服。我要左其中一個MENU上推薦的 MEXCIANA CHICKEN﹐朋友同我一樣。加$28就可以跟薯條/沙律同汽水。我地一個跟薯條﹐一個跟沙律﹐仲可以叫餐廳幫我地分埋。之前係OPENRICE上面見到食評﹐都知道會幾大碟﹐食物黎到比想象中更加大。個包入面個AVACADO 醬汁好好味道﹐舊雞好滑﹐菜亦好新鮮﹐果然係一分價錢一分貨﹐$60食物個包都算值得。伴菜既沙律新鮮﹐個汁都係自己整﹐好味!! 薯條都有水準﹐一D都吾會油膩。同事加錢要左杯BAILEY MILKSHAKE﹐話吾錯。下次黎我會想試下個"MO" (MUSHROOM BURGER)! 賣單每人$100 左右﹐雖然貴左D﹐但係食物有水準﹐不枉此行!