影片
更多
2012-02-16
128 浏览
成日經過和光都想試可惜孤零零一個又唔敢去,見今日同2位朋友行街又肚餓我就提議不如黎依度踩場 入到去客人唔太多仲有好多位坐,我地揀坐出菜位旁邊 坐低後先發覺原來唔止對住門口位有電視睇 連我地坐果邊都有得睇電視 好啦!望下菜單先有天婦羅/揚物,刺身,壽司,手卷,串燒,飲品,拉麵/飯果d揀 種類都算多一開波2位朋友 不停點刺身,壽司,串燒 同炸海蝦.炸蠔,炸帶子果d 仲點多提子汁同橙汁汽水各半榨 同朋友左望右望食店既擺設後唔洗10分鐘刺身就黎到!我同兩位餓鬼朋友唔洗兩三秒就清晒 大家對三文魚既評價就係都幾新鮮 仲要唔係薄切 正!(之後下半part我地仲追加35塊)清晒盤刺身後仲諗住d炸野有排都未到 點知唔洗二,三分鐘d炸野,串燒同壽司就送到黎 諗住炸野襯熱食先!哎呀 一咬落D炸蠔度真係熱得制 新鮮炸起一咬入面D汁O必左出黎辣襯條利仔 都係放係碟攤陣先搞於是轉個槍頭向壽司埋手 甜蝦夠肥夠大唔似某店既甜蝦壽司龜毛咁細 很滿足,但饅魚壽司普普通通並不吸引 可能係燒汁問題神速地清完壽司後 我地就正式開始食炸物 嗯?脆係好脆 但將炸海蝦點果D天婦羅汁完全乜味都無 要點番豉油+芥辣先帶番少少蝦味出
入到去客人唔太多仲有好多位坐,我地揀坐出菜位旁邊
坐低後先發覺原來唔止對住門口位有電視睇 連我地坐果邊都有得睇電視
好啦!望下菜單先有天婦羅/揚物,刺身,壽司,手卷,串燒,飲品,拉麵/飯果d揀 種類都算多
一開波2位朋友 不停點刺身,壽司,串燒 同炸海蝦.炸蠔,炸帶子果d
仲點多提子汁同橙汁汽水各半榨
同朋友左望右望食店既擺設後唔洗10分鐘刺身就黎到!我同兩位餓鬼朋友唔洗兩三秒就清晒
大家對三文魚既評價就係都幾新鮮 仲要唔係薄切 正!(之後下半part我地仲追加35塊)
清晒盤刺身後仲諗住d炸野有排都未到 點知唔洗二,三分鐘d炸野,串燒同壽司就送到黎
諗住炸野襯熱食先!哎呀 一咬落D炸蠔度真係熱得制 新鮮炸起一咬入面D汁O必左出黎辣襯條利仔 都係放係碟攤陣先搞
於是轉個槍頭向壽司埋手 甜蝦夠肥夠大唔似某店既甜蝦壽司龜毛咁細 很滿足,但饅魚壽司普普通通並不吸引 可能係燒汁問題
神速地清完壽司後 我地就正式開始食炸物
嗯?脆係好脆 但將炸海蝦點果D天婦羅汁完全乜味都無 要點番豉油+芥辣先帶番少少蝦味出黎
而炸帶子炸蟹鉗完全係無味.... 所以第2PART亦無打算再食炸物
到串燒啦 我一個人都食左三串燒雞中翼兩串雞軟骨,雞肉同雞腎 燒得幾香口 點芥未+豉油幾好味! (而我朋友揀既秋刀魚佢話幾好味!)
哎呀 食評打太長 講野1999真係好對唔住
總括黎講139一位既價錢加上兩位侍應姐姐好有禮貌又多笑容
仲要我地D碟食完唔洗一陣佢就會自動埋黎清
絕對無食到一肚氣好開心,今時今日既服務態度要似佢地先岩架嘛!
經過今晚後令我同埋我身邊兩位朋友都想搵日去食多次
今餐真係食得好開心^3^ 希望間鋪可以KEEP落去!
提外話 如果佢地刺身有甜蝦揀就好鳥!!!!!!!
张贴
