LAB10 (已結業)

其實平時食野好少比劣評，但間鋪真係幾離譜，後悔為咗貪唔洗排隊而揀咗呢度。首先地服務好差好差好差，店員叫極唔應之餘黎咗都仲要西你面，好似你增加佢地工作量咁。因為以下既問題佢地去到中後期直頭打眼色叫其他人去。問題一：凍飲+3蚊，無問題。但佢話無冰比杯常温我，然後收返我凍飲價(講真唔係洗唔洗加錢既問題，入得餐廳食野就唔會慳。但常温個人真係接受唔到，寧願飲熱飲)問題二：餐牌寫韓式牛肉鐵鍋炒飯，佢地比咗泡菜牛肉鐵鍋炒飯我地，咁我同佢地講餐牌唔係咁寫架喎，佢地覆話：「唔係咁寫但我地都係用泡菜炒架。」有無諗過如果一早知係泡菜其實我唔會落order？我會叫過第二樣？炒到黎先話係咁，我成碟唔要又係浪費咗。問題三：2碟味道都十分一般，老實說唔係價錢問題，真心我會寧願比貴少少去食第二啲野都唔想黎呢度。呢間無論服務、質素都係不可一不可再。唯有環境ok。總結：太多甩漏，所有野都係踢一踢先郁一郁，食物已經唔出色，但服務又出奇地差，唔通係靠裝修吸客？唔好話42蚊加一就唔好咁挑剔，講真做得顧客，就有權享受應有既服務。