影片
更多
2019-09-16
157 浏览
今日同朋友嚟到尖沙咀康境酒店入面嘅日本餐廳到食好嘢，朋友介紹呢到嘅牛拍得住佢喺日本旅行食嘅質素！見到有個menu係夏季限定，好似都幾吸引，所以叫咗其中兩款試下！呢個係山葵八爪魚粒生菜包，平時食生菜包多數都係包住啖啖肉，呢個配搭都幾新鮮，八爪魚粒好爽口，配埋wasabi獨特嘅辣味都幾刺激！呢個係煙燻上等牛肋肉，上枱前都有個蓋蓋住，上枱前一刻先會揭開，即刻傳嚟陣陣煙薰味~~呢個牛肉嘅肉味比較濃，同埋肉都切得比較厚身，要咬多幾下~~因為牛嘅種類太多，睇到花多眼亂，所以我哋選擇再叫一個<<極上和牛盛合 2人用>> ，呢個set $598，有5款牛肉，每款有兩塊，本身以為份量唔多可能會唔夠食，食到最後其實係啱啱好，再多都食唔落了！店員介紹呢個set可以跟返順序食比較好，由牛舌開始食，順時針方向食到最後嘅特上牛肋肉~~我會順序介紹返~~第一款：極上牛舌係勁厚切嘅，肥美嘅質感食起上嚟好滿足！第二款：極上牛肩肉脂肪比例分佈得好靚！第三款：上等牛腰背肉係薄切嘅，呢個配埋雞蛋食，塊牛已經好滑，加埋雞蛋真係滑上加滑！個蛋黃應該都係靚嘢嚟，蛋味好濃郁！第四款：特上西冷，六面各燒
見到有個menu係夏季限定，好似都幾吸引，所以叫咗其中兩款試下！
呢個係山葵八爪魚粒生菜包，平時食生菜包多數都係包住啖啖肉，呢個配搭都幾新鮮，八爪魚粒好爽口，配埋wasabi獨特嘅辣味都幾刺激！
呢個係煙燻上等牛肋肉，上枱前都有個蓋蓋住，上枱前一刻先會揭開，即刻傳嚟陣陣煙薰味~~呢個牛肉嘅肉味比較濃，同埋肉都切得比較厚身，要咬多幾下~~
因為牛嘅種類太多，睇到花多眼亂，所以我哋選擇再叫一個<<極上和牛盛合 2人用>> ，呢個set $598，有5款牛肉，每款有兩塊，本身以為份量唔多可能會唔夠食，食到最後其實係啱啱好，再多都食唔落了！
店員介紹呢個set可以跟返順序食比較好，由牛舌開始食，順時針方向食到最後嘅特上牛肋肉~~我會順序介紹返~~
第一款：極上牛舌係勁厚切嘅，肥美嘅質感食起上嚟好滿足！
第二款：極上牛肩肉脂肪比例分佈得好靚！
第三款：上等牛腰背肉係薄切嘅，呢個配埋雞蛋食，塊牛已經好滑，加埋雞蛋真係滑上加滑！個蛋黃應該都係靚嘢嚟，蛋味好濃郁！
第四款：特上西冷，六面各燒15秒，之後再食，中間肉汁好juicy！
最後：特上牛肋肉，呢個留返最後食真係好啱，因為佢嘅油脂真係勁豐富，比之前嗰啲油味重好多，配埋岩鹽食會解返少少油膩感，但真係好好食！
順帶一提，呢間餐廳嘅網真係幾高質，燒出嚟嘅坑紋好靚！
飲品我order咗呢杯「長青樹」，即係青蘋果梳打，味道同坊間飲嘅差唔多，好清新又解渴，食燒肉飲就最啱！
张贴
