仲要係閣樓，要問下看更先識去（首先要上2樓，行樓梯落1樓）
我同朋友六點三去到拎飛，果陣已經要等33張飛
最後要等到八點二十分先入得。雖然睇餐牌款式唔多，但係樣樣野都好吸引
落單之後，啲嘢食唔使等廿分鐘就上菜，都算幾快
我哋叫咗兩個小食、一個飯、一個意粉、兩個甜品，真係好食！等左咁耐先有得食係值得
鹹蛋黃雞翼 -
好出色，一啲都唔漏，好食到想叫多碟炸魷魚鬚 - 普通野，可以唔使叫
明太子忌廉大蝦燉飯 -
好食，少少辣，多蝦，黏性啱啱好，食到明太子嘅味道焗肉醬意粉 - 甜甜地，好乾，好怪，勁多芝士，
不過我唔鍾意甜甜地嘅味道椰子咖啡碎冰 - 好特別，有少少椰香，
加左咖啡之後會掩蓋晒椰香味，咖啡倒係焦糖碎度杯野慢慢會有甜味
芒果碎冰 - OK, 芒果味濃，唔使特別評
榛子焦糖香蕉梳乎厘班戟 - 榛子烘過好香口，香蕉上面有片焦糖
班戟好鬆軟，空氣唔哂，剛剛好
意大利芝士熔岩 - 酒味濃，好香咖啡味，一啲都唔漏，但係食之前一定要拍片
