小桃咖啡室 (已結業)

上個禮拜六，我同左妹妹第一次去小桃咖啡室食飯，因為我哋兩個嗰日喺銅鑼灣行街，就諗住喺附近搵間餐廳食飯，就搵咗佢啦，我哋上到去都幾開心。因為嗰度有一個露台係可以望到對面時代廣場，雖然係低層，但個景都幾靚，我哋就叫咗一杯野飲，就出咗去露台飲，個杯飲品叫做奧利奧女神，係奶昔來的。我同佢都覺得幾好飲，我哋之後叫咗一個13”嘅Pizza，我覺得真係幾好食，因為係新鮮熱辣辣送到，上面仲有好多好多我同妹妹都好鍾意食嘅salami腸，唔係芝心批，但係都好薄好脆，如果下次去我都會叫返依一款。我哋之後又叫咗一個煙肉粒mozzarella cheese傢芝士薯條，我哋初頭都以為要叫多個意粉先至夠飽，但原來依個芝士薯條已經好飽好滿足，勁多芝士，我真係好鍾意衣一個！