M&S Café (已結業)

第一次在M&S cafe食野，以前經過諗住好貴一直無試過。但係今次因為係朗豪坊唔知邊度有位可以坐耐少少，又勁多人，所以決定試下。下午3點幾佔左一半位都算差唔多，唔洗等就有位。$88一個set，一個湯加包仔，一個main course，另外加$15有花茶/檸水/檸茶，如果唔想飲花茶，就要正價買其他野飲………我同男朋友叫左一個set，另外叫左個蛋糕同一杯ice mocha。湯: 忌廉蘑菇湯，其實都係罐頭湯，但係佢賣得咁貴，所以未試過…….. 湯應該有落牛奶，同埋陣蘑菇味都幾濃，不過個包仔都唔錯。是日精選pizza係蕃茄芝士pizza，估唔到咁大塊，仲以為係45度角咁……. 點知都有半個pizza~ 哈哈.. 個底唔太厚，又多芝士，又有沙律菜伴碟我個人認為$88算係咁，雖然佢D野全部都係入面有得賣，但係如果要我自己整番熱……. 咁我寧願比多少少錢，坐係佢度慢慢食嘆下冷氣。另外，加左個花茶，都算ok，飲完第一壺叫佢比杯熱水，我地再加水飲，慢慢坐…….  不過伴茶餅仔有點難食………. -_-“” 而蛋糕就叫左個咖啡蛋糕，我唔鐘意食，我食野都已經偏甜，但係件蛋糕更甜，仲要無咩cream，食左我勁耐