山口屋 (已結業)

第一次去大角咀就已經搵到呢一間日本野，雖然舖頭細細但環境好靚。😉粟米薯仔沙律壽司，以往剩係食過粟米軍艦壽司，得沙律醬撈粟米粒，但係今次食呢個燒粟米薯仔沙律壽司，佢有薯仔有青瓜之外，仲要有燒過嘅粟米，口感豐富又有層次。😋蛋糕玉子芝士鰻魚壽司，入口即溶非常之新奇，第一次食蛋糕代替玉子嘅壽司。😯😯溫泉蛋拖羅茸丼飯，啖啖拖羅非常足料，仲有秘製麻油醬油，非常之適合鍾意食拖羅嘅朋友。👍🏻三文魚親子丼飯，帆立貝非常之鮮甜，中間仲有舊三文魚子壽司添😍突然想食件壽司仔就真系岩哂喇！