8Five2 Restobar

营业中

休息中

入座時仲係 Happy Hour 時段，先嚟杯啤酒啤啤佢。跟住要咗沙律同小食。墨西哥凱撒沙律-脆煙肉 Mexican Cesar Salad（$118），係傳統嘅凱撒沙律上加上墨西哥脆片（有紅色同啡色兩款），另外仲有啲雞絲。炸魷魚 Calamari Frito（$118），跟本就係椒鹽鮮魷，但炸得好好，外脆但魷魚唔韌。白色沙律醬微酸；紅色茄醬微辣，我較鐘意前者，做下酒菜一流。主菜要咗兩款墨西哥餅。墨西哥牛肉夾餅 Beef Tacos（$128），有4件，大量沙律菜配上燉煮過嘅牛肉，可自行添加青檸汁，味道不錯。墨西哥羊肉酥餅 Lamb Mince Quesadillas（$118），同樣有4件，芝士加上燉煮羊肉，味道偏濃但我歡喜，白色酸忌廉、綠色香草薄荷醬、紅色蕃茄醬，俾你自由配搭。因為未去過 Mexico，又未真正食過墨西哥菜，唔識評價正宗與否，但成餐整體味道是好食的。