華星冰室 (E-Max) (已結業)

華星冰室聽就聽得多啦，食就係第一次， 經常去九展嘅我都已經試曬佢哋嘅餐廳，唯獨是未試過華星冰室， 就今次試下佢哋好唔好味啦! 我去到嘅時候啱啱係lunch時段比較多人， 我哋坐咗響冰室門口。餐廳既食物種類唔係太多選擇，所以叫咗一個常餐$42，有炒蛋，叉燒意粉，熱咖啡，另外叫咗一個焗雞扒飯$58，凍飲令加三蚊。第一眼望到叉燒意粉嘅時候真係嚇一跳， 點解唔見叉燒嘅？ 原來全部收埋響底， 湯底都ok好味唔太咸， 叉燒普通不過份量都算多， 多士夠香， 炒蛋味道跟一般茶餐廳冇乜分別， 不過不失啦，味道正常！焗雞扒飯就太小雞扒，只有一小舊， 味道酸酸甜甜蕃茄味夠龍！佢哋嘅咖啡就一般般， 不是太好飲。總括嚟講位置都算舒適 & 食物普通。