大尾篤麥師傅 (已結業)

天氣涼涼地，最好就燒野食，但由搬左屋之後，都好少燒野食，冇地方燒🥹🥹，但我朋友介紹我去燒烤場燒，我第一次出去燒嘢食，感覺好新鮮，我見到場地都好乾淨，一去到比完錢就有人幫我哋開爐，跟住就可以燒嘢食㗎喇😝😝佢會先俾一盤安排咗嘅食物我哋，跟住燒晒之後就可以再去攞一啲其他食物，好多種類可以揀，唔使驚冇嘢食唔夠食😂😂😂我最鍾意食嘅係雞翼，佢雞翼都有好多選擇，有普通嘅蒜蓉味，另外仲有南乳味、黑椒味、咖喱味，同埋仲有一款係雞全翼🫶🏻🫶🏻同埋我見到人哋喺度燒乳豬，燒乳豬好似表演咁，燒咗出嚟好靚同埋好香，姐姐仲會幫手切埋隻乳豬❤️❤️❤️