居食屋「和民」 (已結業)

下午一点左右黎到拎位，企左一阵先有人派飞俾我等左十五分钟入座，好快就点左野食~我叫左个石锅牛肉饭，我妈就叫左海鲜焗饭~跟餐沙律好快就送到，而焗饭五分钟亦送到~焗饭已经食到一半，饮品都未送到，于是叫人加茶，应左我地，（但到我地食饱都系无人加，和民全线都唔主动帮人客加茶）饮品系叫餐既二十分钟终于送到，热奶茶及热柠茶味道淡如水石锅牛肉饭系叫餐既半小时送到，妈妈既焗饭都食得一干二净喇！埋单时，用和民信用卡，我已经谂住俾埋张卡侍应，一次过折左先拎俾我签，但系个侍应无接到，反而系就咁走左去，再拎张未折既单俾我，佢之后先醒觉话张单未折，叫我俾番佢折番，再拎番黎俾我签。我谂之后都唔会再黎葵芳和民==食物方面：海鲜焗饭:入面有帆立贝仔，鱿鱼及虾仔，份量较少，鱿鱼唔热，连暖亦都讲唔上石铜牛肉饭:味道还可以，还付送泡菜，因应个人喜好添加，但付出半小时才有得食==热奶茶：真系好过份，淡到好似饮紧一杯怪味水热柠茶：同样淡，得两片柠檬