老點點心竹筒飯 (已結業)

平時放假都係一早起身先可以飲茶食點心，今次朋友介紹話有間可以下午先去食都得既點心店，難得可以訓晏D先去嘆茶食點心，緊係要去試下啦。咸香黑魚子蒸燒賣：雖然得2粒比平時茶樓既少，但比一般燒賣既還要大粒。燒賣上既黑魚子味道唔突出，但豬肉同蝦肉餡料肉質好鮮嫩爽口，都值回票價。鮮上肉響玲腸 ：腸粉皮包住香脆既響玲，好特別，比平時食開既炸兩唔同，響玲更香脆，而且加入鮮豬肉增添咸香，口感更豐富。戚風班蘭馬孻糕：綠色既馬孻糕，真係第1次見，好創新。可惜班蘭味唔係太突出，但食落質感鬆軟，都可以試試。冬筍普通鮮蝦餃：餃皮厚薄適中，由鮮嫩既豬肉混埋爽口彈牙既鮮蝦作餡料，鮮味十足，個人最鐘意呢款點心。清酒云吞雞：一黎到就聞到好香濃酒味，雞肉好嫩滑，配埋清酒湯汁一齊食更加好味。