潮滙館 (已結業)

見咁多人話好於是就同老婆黎試下，7點入到去，放滿檯，卡位得幾張，檯與檯間都好窄，人唔多。咁岩有卡位埋單，於是就坐卡位。叫左以下食物。1. 滷水鵝併盤：滷水鵝好肥下，豬腸又係，豬頭肉幾爽不過又好肥，連碟底都充滿油。味道只能說普通，沒驚喜，不過怕肥就唔好叫，嚇死你。2. 黃花魚：好啖，出面食開係有少少咸味，呢到一D咸味都無，魚味亦好淡。3. 少炒皇：呢碟有唔少魚乾蝦乾，可惜九菜花太少，料多過菜，不過最少油算係佢啦。4. 蠔仔粥：成晚最差呢樣，粥黎到剩係得蠔仔，佢會比一碟料芹菜，冬菜，芫茜你倒落去，咁即係話粥無比呢D料煲，所以無晒呢D香料既味，失敗中之失敗。所有食物只有潮洲外表但完全無神緒，味道不倫不類。真係唔知樓下咁多話好既食評點黎，呢一餐食左三舊幾，我返三記食仲正。