良記餐廳(老鳳冰室) (已結業)

最近開了越來越多玩味性質的冰室，是晚來到元老之一的老鳳，人氣依舊，店內坐了滿滿的食客。坐到最內邊的卡位，店雖小，但拍照位甚多，果然係打卡勝地。滿滿的懷舊裝飾點了兩份晚餐set，先送上例湯，是晚係紅蘿蔔豬骨湯，湯好濃味，味真應該無加料啦。波波冰鎮紅豆奶茶（$28）&泰式青檸疏打（＋$16）飲品就梗係轉左特飲，大大杯。朋友的青檸疏打，跟晚餐有優惠價，好清新亦不過甜，夠氣又夠凍，正。一向鍾意奶茶同紅豆冰，溝埋一齊梗係正啦，奶茶香滑，紅豆軟腍甜度適中，好飲。波波形狀的奶茶冰，唔怕凍飲會變淡啦。台式肉燥雞翼飯（$48）朋友點了A餐，雞翼三隻同青菜兩條，加上勁多飯同肉躁醬，飽肚之選黎，哈哈。雞翼炸得香口，肉躁醬略甜，都ok嘅。紅酒炆牛腩伴飯（$58）自己點了B餐，滿滿一兜牛腩！炆得入味軟腍，仲有薯仔紅蘿蔔㗎，個汁調味好正，撈飯一流，好好味！餐廳有姿勢有實際，好睇又好食。