秘 (偉晴街) (已搬遷) 新店位置

朋友之前食過佐敦一間板燒牛，話好味，我就跟佢去搵食，我由佐敦地鐵站行站去，行左5分鐘到。去到餐廳已經傳來陣陣燒牛肉的香味！我食板燒吉列牛 $108 ，朋友食板燒安格斯牛$108。我地都分別加配金魚湯定食$58，有秘之飯素、楓糖流心蛋、櫻花金魚湯。朋友個吉列牛排到好似哈哈笑咁，心情都頓時開心起來。我喜歡安格斯牛多點，牛味濃些香味重些。可以自己動手燒，即燒即食。櫻花金魚湯條金魚真係好迫真，食左條魚落肚😂個魚皮就厚左少少，味道都幾好，飲埋碗湯。碗飯都幾多，加埋飯素好易入口，食完好飽肚。流心蛋都做得幾好。整體好滿意。