影片
更多
2018-01-13
121 浏览
早前見到好多朋友喺網上曬咗個合照，背景好有童話feel，今日我又要嚟 White Button Cafe 打吓卡先。 一入來就俾個好可愛嘅佈景佈景板吸引咗， 真係可以話係打卡位， 男女老幼都鐘意啦！兩點上到嚟，仲有午餐供應，百幾蚊一個set， 價錢大眾化， 下次必試 ！ 見到張poster 介紹Pokkie王國， 已經好心動，充滿馬戲團特色， 好似入咗童話世界，見到都開心， 而時間剛剛好， 兩點就開始有tea set供應，一定要揀啦!POOKIE TEA SET $398 幸福摩天輪出場啦， 真係靚到唔捨得食呀！ 摩天輪上有爆谷雞球、迷你芝士漢堡、脆香薯角同蜜糖法蘭克福腸。 我覺得爆谷雞球好特別， 外表真係好似爆谷，仲有四隻顏色，食落外皮脆口，但雞肉有點鞋， 味道好正呀！一囗迷你芝士漢堡 ， 細細個，幾可愛，有少少嘅芝士味，加上惹味厚切漢堡扒、蕃茄同生菜， 口感不錯， 配上脆卜卜嘅薯角同薄切嘅蜜糖法蘭克福腸一齊食， 又幸福又好味！ 食完鹹點， 再來個甜品先！ 由外表可愛嘅小丑帶了四款甜品出來， 有野莓馬卡龍、圈吉士醬、焦糖爆谷慕絲同草莓法式泡芙 。馬卡龍好甜， 中間有吉士醬同士多啤梨醬
一入來就俾個好可愛嘅佈景佈景板吸引咗， 真係可以話係打卡位， 男女老幼都鐘意啦！
兩點上到嚟，仲有午餐供應，百幾蚊一個set， 價錢大眾化， 下次必試 ！
見到張poster 介紹Pokkie王國， 已經好心動，充滿馬戲團特色， 好似入咗童話世界，見到都開心， 而時間剛剛好， 兩點就開始有tea set供應，一定要揀啦!
POOKIE TEA SET $398
幸福摩天輪出場啦， 真係靚到唔捨得食呀！ 摩天輪上有爆谷雞球、迷你芝士漢堡、脆香薯角同蜜糖法蘭克福腸。 我覺得爆谷雞球好特別， 外表真係好似爆谷，仲有四隻顏色，食落外皮脆口，但雞肉有點鞋， 味道好正呀！
一囗迷你芝士漢堡 ， 細細個，幾可愛，有少少嘅芝士味，加上惹味厚切漢堡扒、蕃茄同生菜， 口感不錯， 配上脆卜卜嘅薯角同薄切嘅蜜糖法蘭克福腸一齊食， 又幸福又好味！
食完鹹點， 再來個甜品先！
由外表可愛嘅小丑帶了四款甜品出來， 有野莓馬卡龍、圈吉士醬、焦糖爆谷慕絲同草莓法式泡芙 。
馬卡龍好甜， 中間有吉士醬同士多啤梨醬， 鐘意食甜嘅朋友就一定like !
焦糖爆谷慕絲同草莓法式泡芙 ，味道以甜為主，我自己一般， 因為我偏愛食低糖甜品。
榛子拿破倫好好味，酥皮入口鬆脆， 中間有榛子，味道不錯。白色嘅香蕉芝士餅， 外表有點似棉花糖，但原來係香蕉味mousse, 味道微甜，合我口味， 底層係脆餅，不但有可愛嘅外表，而味道都好正㗎，好食過棉花糖啦！
法式朱古力撻做得不錯， 有朱古力餅底做底層， 中間放了朱古醬， 入口香濃， 再加上朱古力脆米波波上面， 充滿朱古力味， 好正！
我揀咗兩款無酒精飲品， 白日夢同玫瑰水蜜桃果茶。
上堂就最怕發白日夢， 叫咗杯來試吓，希望飲完之後上堂會專心啦！外表都幾靚呀，白日夢主要成份菠蘿、橙同牛奶， 有清淡嘅菠蘿帶出香甜嘅橙味，味道幾特別㗎！
天氣雖然寒冷， 見到大大壺嘅玫瑰水蜜桃果茶， 即時覺得暖笠笠。 花茶有小蠟燭暖住， 慢慢談天說地都唔怕冷啦。
希望下次來有機會試佢嘅吸血鬼果汁啦， 今日試唔到， 停止供應，成個血包好攪鬼，好特別。 今日好開心， 食咗個靚靚下午茶，好有童話feel !
张贴
