影片
更多
2020-03-14
1028 浏览
今晚6點半左右响灣仔逛逛，想早啲D搵嘢食避開多人食晚飯時間，行至呢間餐廳門口，我同男友不約而同想去回味下兒時回憶，所以就上咗去呢度食。話時話好好好多年無嚟過，店內環境尚算清潔乾淨，但都少少油煙味，坐低見水吧無帶口罩冲嘢飲感覺不是太好。近窗口一排卡位寬敞舒適，與鄰枱距離亦夠寬闊。雖然未夠7點，估佢唔到餐廳已有三份一滿。食物方面我地叫左童年回憶火焰牛柳同厚切西冷，火焰牛柳真係有現場特技表演睇，值回票價👍🏻，肉質同味道我覺得牛柳係好過西冷，份量剛好，黑椒汁唔會死咸.牛扒我叫左5成，佢哋真係俾5成，唔會過熟，在鐵板上熱一陣間就剛剛好。我男友叫了7成，再在鐵板上燒一陣就熟哂，所以如果唔怕嚿肉切開有D生，想食嫩一點的我提議叫成就最好。侍應服務都勤快。未食完呢餐我同男友都覺得一個月都可以食一次😋
张贴
