燒賣皇后 (已結業)

細細個去開元朗媽咪成日都會喺元朗間妙舒燒賣皇后度買串香菇豬肉燒賣食，簡直就係童年回憶系列😍平時喺黃埔附近做嘢，一直都無試過呢間，今晚去完尖沙咀睇戲，沿海濱行到去黃埔，覺得個肚餓餓哋就見到黃埔都有間妙舒燒賣皇后，即刻叫返串燒賣回憶一吓🤭🤤叫咗5粒招牌香菇豬肉燒賣（$12），豬肉味好香好濃厚，同香菇味配搭得好好，再點埋佢哋甜甜哋嘅豉油，好正！另外想試吓新嘢，所以再叫多5粒炸香菇豬肉燒賣（$15），無諗過炸完之後嘅燒賣會多咗一種層次，脆脆哋包住粒好味嘅燒賣，口感好特別！見到妙舒除咗燒賣其實都仲有好多小食，下次有機會會試吓🥰🥰