沙嗲王 (MPM文華商場) (已搬遷) 新店位置

今日同朋友一齊嚟食沙嗲王，因為佢從來都未食過🤣🤣✨✨, 咁我呢就提議去食沙嗲王啦🙈🤣集體回憶黎架麻！咁啱就到下午茶時段，我哋分別叫咗沙嗲滑牛米線，同埋吉列魚柳咖喱米線！吉列魚柳啱啱新鮮炸起，好脆好熱。沙嗲滑牛就係平時沙嗲王嘅味道。呢度用手機下單會減兩蚊，但網絡接收唔到，上到嚟嘅時候想要求阿姐幫手落單，但等10分鐘又未見有人招呼，只係想人手落單啫，仲要收+1服務費！其實全餐飯個阿姐除咗上菜，係冇接觸過我哋，基本上冇服務可言，唔明點解要收+1服務費！等吓等吓，個網絡又load到入頁面落單，落完單之後，阿姐終於行埋黎問係咪要落單。