禮記 (已結業)

當年珠江戲院仲未拆時已經存在,大大話話都有廿幾三十年,多年來水準如一,就連今時今日開到通街通巷既椰汁大王,不論做法同口味真係抄到八成,其他兩成係禮記咁多年都係咁濃郁,椰汁大王之流可以彈開.對面轉角位新開一間串燒店,就趁等位時間,先黎一杯潤下.用料雖然簡單,但卻花心機時間,既要削椰肉去衣,又要刨冰攪拌,最後加入錬奶至大功告成,果人最喜歡老板啱啱攪完既出品,因為仲有少許冰碎在內,大熱天時呷一口,真係暑氣全消.起初仲係飲一杯,結果係再補多一枝慢慢嘆.