影片
更多
2013-05-28
273 浏览
1月26日, 之前食過太古城嘅星林居, 價錢平得嚟食物又有水準, 所以一路都好想同呀菲嚟食一下尖沙咀嘅第一分店, 今日終於有機會~ 星期六嘅中午, 好多人食, 好彩我地都可以搵到位坐, 但係地方有d淺窄, 坐得唔太舒服.::: 腐竹墨魚丸小鍋米線 ::: $37每碗小鍋米線已附有酸菜、芽菜同韭菜, 不論酸度、辣度、以至配料多少同米線份量都有得任君選擇! 我叫咗走辣, 咁就會自動走埋帶辣嘅肉碎~ 雖然少咗肉碎, 但因為其他配料都有得要求加碼, 所以米線一上台依舊覺得好豐富好吸引! 不過原來墨魚丸同腐竹都唔係好多… 墨丸無墨魚味, 好似咬緊粒粉丸咁, 腐竹又一般, 米線亦唔係話好煙韌咁... 加上呢個湯底真係一碗清湯, 唔似其他嗰d會溝下雞湯或者豬骨湯, 味道十分淡, 搞到成碗野都好淡茂茂… ::: 紅腸魚腐酸辣米線 ::: $36呢碗米線要咗小辣, 仲要咗多韮菜, 上枱嘅時候都真係多到有d嚇親~ 本身都好期待呢度嘅米線湯底會比太古城嗰間好, 所以急不及待第一時間飲一啖湯, 可惜換來嘅只係有失望, 個湯底好稀, 雖然酸度同辣度猶在, 仲要比太古城嘅小辣更辣, 但係完全冇咗嗰種香料濃而不嗆嘅
::: 腐竹墨魚丸小鍋米線 ::: $37
每碗小鍋米線已附有酸菜、芽菜同韭菜, 不論酸度、辣度、以至配料多少同米線份量都有得任君選擇! 我叫咗走辣, 咁就會自動走埋帶辣嘅肉碎~ 雖然少咗肉碎, 但因為其他配料都有得要求加碼, 所以米線一上台依舊覺得好豐富好吸引! 不過原來墨魚丸同腐竹都唔係好多… 墨丸無墨魚味, 好似咬緊粒粉丸咁, 腐竹又一般, 米線亦唔係話好煙韌咁... 加上呢個湯底真係一碗清湯, 唔似其他嗰d會溝下雞湯或者豬骨湯, 味道十分淡, 搞到成碗野都好淡茂茂…
::: 紅腸魚腐酸辣米線 ::: $36
呢碗米線要咗小辣, 仲要咗多韮菜, 上枱嘅時候都真係多到有d嚇親~ 本身都好期待呢度嘅米線湯底會比太古城嗰間好, 所以急不及待第一時間飲一啖湯, 可惜換來嘅只係有失望, 個湯底好稀, 雖然酸度同辣度猶在, 仲要比太古城嘅小辣更辣, 但係完全冇咗嗰種香料濃而不嗆嘅清甜感覺… 個湯底就只剩下酸得唔自然嘅味, 估唔到總店係咁所以都幾失望… 另外, 紅腸同魚腐呢d普通野唔會好突出啦, 但係份量比較少, 成碗米線咁樣配起嚟就唔係好抵食…
::: 凍奶茶 ::: $12
凍奶茶都算係正常嘅, 奶有d過多以致茶味唔夠突出, 同埋佢用上闊下窄嘅杯, 飲起上嚟唔會好多, 都係偏貴…
確實估唔到, 今次嚟到尖沙咀食竟然係咁差, 坐得竟然比food court更差, 衛生問題更加嚴重, 而服務嘅呀姐都唔係話咁好語氣… 下次都係番去太古城食, 一來又平d, 二來又夠冷氣, 坐得又會好d~
张贴
