影片
更多
2008-07-10
27 浏览
今日星期四係咪咪既媽媽放假，咪咪就同爸爸媽媽黎左德福既美心皇宮酒樓飲下午茶，爸爸媽媽下晝大約一點半後去排隊等位，咪咪大約兩點多少少到達，咁岩下一張檯就到我地。在場所見真係好多人排隊，唔知點解人人都好得閒咁可以黎飲下午茶，而原本係酒樓隔離既美心集團 Canteen 已經執左，而美心皇宮會擴大酒樓範圍，希望第時排隊既情況有所改善啦！我地坐低之後，一如以往都要周圍睇點心車，因為美心一向都係推點心車，只係有少量既點心用點心紙剔，而因為我地坐左係幾張檯既中間，唔近點心車走廊，所以要特別留心經過既點心車！以下係我地所點既點心：1）水晶蝦餃皇（$26）：咪咪等左一陣先食，所以個皮有點韌，但係入面既蝦就好好味。2）蝦籽燒賣皇（大點）：美心既燒賣係有隻蝦係個面度既，味道都唔錯，熱辣辣。3）乾蒸牛肉賣（大點）：唔知點解乾蒸牛肉都要大點，不過幾好食，有肉汁又唔會乾爭爭。4）叉燒腸粉（腸粉點）：見到腸粉車既時候凈係得番牛肉腸粉、叉燒腸粉同羅漢齋腸粉，叫阿姐牛肉腸丫唔該，佢話岩岩賣晒，唯有食叉燒腸啦。佢拎到埋黎個陣已經落晒「唔駛錢咁」既豉油，媽媽皺晒眉，咪咪就覺得味道一般。5）雞絲炸春卷（小點）：以小點黎講，分
我地坐低之後，一如以往都要周圍睇點心車，因為美心一向都係推點心車，只係有少量既點心用點心紙剔，而因為我地坐左係幾張檯既中間，唔近點心車走廊，所以要特別留心經過既點心車！
以下係我地所點既點心：
1）水晶蝦餃皇（$26）：咪咪等左一陣先食，所以個皮有點韌，但係入面既蝦就好好味。
2）蝦籽燒賣皇（大點）：美心既燒賣係有隻蝦係個面度既，味道都唔錯，熱辣辣。
3）乾蒸牛肉賣（大點）：唔知點解乾蒸牛肉都要大點，不過幾好食，有肉汁又唔會乾爭爭。
4）叉燒腸粉（腸粉點）：見到腸粉車既時候凈係得番牛肉腸粉、叉燒腸粉同羅漢齋腸粉，叫阿姐牛肉腸丫唔該，佢話岩岩賣晒，唯有食叉燒腸啦。佢拎到埋黎個陣已經落晒「唔駛錢咁」既豉油，媽媽皺晒眉，咪咪就覺得味道一般。
5）雞絲炸春卷（小點）：以小點黎講，分量都幾多，算係幾大條，入面既料都唔失禮，個皮夠脆！
6）豆沙包（小點）：係特價點心，有其他包類揀，我地就試下呢個，味道就似一個中式麵包入面有固體紅豆沙一樣，咪咪覺得奶皇包會好味啲～
7）魚湯鮮竹卷（大點）：第一次試，味道都唔錯，個魚湯其實唔係好濃味，不過鮮竹卷浸過湯黎食梗係會好味啲架啦！同埋平時好少見到呢個點心架！
8）鳳爪排骨盅飯（頂點）：嘩，好耐無見到盅飯啦，入座個陣一見到架點心車，咪咪已經急不及待要點喇！我地既習慣係唔落豉油，因為飯本身都有油，亦都有鳳八排骨味。呢個飯由咪咪同媽媽包辦晒，咪咪覺得好好味，排骨好入味！真係好鐘意食盅飯啊～～
埋單大約 $183，係美心黎講算係咁啦，食飽飽！
张贴