麻辣風雲 (已結業)

麻辣風雲旺角店於6月30日正式開幕啦！試業期間已經聽到好多好評，餐點完全正中紅心地滿足了胃口～❝酸菜魚❞ ($268)〔推介！〕魚片厚薄適中，口感嫩滑，重點係連一條幼骨都發現唔到！份量大方，加上底層寬粉相當飽肚，足夠3個女仔share。比起坊間酸菜魚有多一重芝麻香氣。酸度辣度可以自選。❝炸饅頭❞ ($58／6件)〔推介！〕招牌名物炸饅頭！諸葛亮係「麻辣風雲號」上面乘風破浪，帶住6件外層炸到黃金色﹑漲卜卜嘅炸饅頭黎到眼前～相當香口，內裡鬆軟口感一流，加埋靈魂食材煉奶令味道更有層次。❝涼拌雞絲粉皮❞ ($68)〔推介！〕粉皮偏向粗身，口感爽滑煙韌，花生醬調味偏鹹，比一般醬汁更為濃稠，調味獨特出色。❝辣子雞❞ ($158)辣度算係爽辣而唔係陰啲陰啲係後勁到辣你一獲個種HAHAHA 所以食辣BB班都叫接受到！雞粒炸得不錯，無皮肉分離，調味夠惹味。❝菊花蜜❞ ($48／一埕)又係一款打卡飲品～完全係古人係客棧入面倒酒乾杯個種酒埕嘅現代版XD 口味清爽偏甜。𓂃𓈒 𓂂𓏸 麻辣風雲 𓏸𓂂 𓈒𓂃 @spicy_restaurant_hk 旺角彌敦道628號瓊華中心10樓港鐵旺角站E2出口，步行約3分鐘抵