呢間位於鰂魚涌景點「怪獸大廈」旁,，由熱愛香港與北海道文化的日本人創辦的餐廳「Asiri」，在裝潢中融入北海道元素的特色牆身，更會播放北海道電影及風景影像，讓顧客體驗地道風情！Asiri其實已經開業將近十年了，記得一開始開鋪無耐，就已經同爸爸去咗食😚今次再去就帶同媽咪去食，Asiri真係超好食，店主係識三文兩語的日本人，整晚過程都非常溫馨，店主會悉心介紹每款料理，食得好開心愉快🫰🏻
Asiri招牌菜式係札幌名物湯咖喱，美味程度更打動了北海道當地人，上個月的美食博覽有不少日本人來港，其中有部分到Asiri幫襯的日本人都大讚不絕😍
🔸牛舌湯咖喱（+$38升級套餐連飲品及沙律）
～Asiri的湯咖喱清爽不油膩，係正宗北海道湯咖喱仲比起在札幌當地的更加好食！因為日本當地的湯咖喱大多全部蔬菜都係先炸過，再放落湯就會令到個咖喱更油膩，但呢一度竟然做到非常清爽又美味！小妹媽媽曾去過北海道吃過幾次湯咖喱，仍大讚呢一度非常好食！
～牛舌厚身但燉到超腍，咬過一啖後就一致認為爸爸一定會非常喜愛🤩每碗湯咖喱都有成400g蔬菜作為配料，喜歡蔬菜的小妹感到高興☺️「本当にとても美味しい( ＾∀＾)」
🔸石狩鍋
～被稱野菜三文魚豆腐鍋🤭先煎香三文魚骨並熬為湯，後落麵豉、牛油令湯底超滑，後尾灑上山椒減少腥味提昇鮮味，再配上多款蔬菜、三文魚及豆腐，變成一份營養高又好食的鍋物❤️
🔸成吉思汗炒羊肉
～成吉思汗烤肉係北海道最具代表性的鄉土料理之一，其中烤羊肉更是北海道的知名美食，Asiri用北海道特製醬汁，超香的炒羊肉配上蔬菜，一齊入口超級惹味😋羊肉更香羊騷味，羊肉控一定大愛丫！
🔸北海道南瓜可樂餅
～點了半份南瓜可樂餅，唔係普通南瓜可樂餅，而係用北海道產「栗南瓜」整嘅香脆南瓜可樂餅，南瓜餡幼滑連皮，配搭脆皮真係流晒口水🤤，再沾上同可樂餅絕配的醬汁，酸酸的令即使把可樂餅完食都無咁滯！
臨走時同店主講「下次見！また次回お会いしましょう」
4
