SAMJIN AMOOK (已結業)

今日同朋友去北角新開嘅商場 - 北角匯行街，竟然俾我發現到呢間來自韓國嘅魚糕專門店，真係好驚喜冇諗過喺韓國街頭賣嘅魚餅 竟然係香港都可以食到，初初無為意嘅時候都只係以為佢係一間麵包店，點知行入去望真啲先發現原來係一間又唔同種類魚糕專門店，每款魚糕都好有特色，除咗有傳統嘅魚腐湯之外，仲有唔同餡料嘅炸魚餅😋原味魚餅湯 ($28) - 除咗有平時首爾街最常見灣灣曲曲嘅魚餅之外，仲有直直嘅魚餅食落去兩款嘅口感好唔同，不過魚肉都係爽口而且有濃烈嘅魚味，可惜個湯就有少少遜色左D芝士棒魚餅 ($23), 魚裡藏椒 ($34), 蝦肉夾心 黃金魚球 ($20), 蝦肉魚卷 ($28) 一口辣魚餅 ($18) - 其實全部呢啲炸物入面都一定會有魚糕，基本上係個餡料再包一層魚糕然後再落一啲炸粉去炸出嚟嘅，就咁睇個樣好似好唔值，但係其實一咬落去你就會覺得佢哋個餡料係一啲都唔孤寒，完全係塞滿曬，對我黎講其實就咁食兩三條都真係已經好飽， 外層金黃色炸到香脆，完全係食魚糕嘅另一個境界~其實當你夾完，你可以選擇拎走或者堂食， 如果堂食店內會有一個微波爐畀你整返熱， 當然如果你見到店員拎D新鮮炸起嘅出嚟，就一定要即刻