影片
更多
2022-05-03
36 浏览
前晚先食完個omakase，估唔到咁快又食一餐。不過，當然，同前晚尖沙咀成千位嘅晚餐有一段距離，至少家傳地方服務師傅嘅水準應該都有所唔同。但我又冇諗過，呢間以平價嘅壽司同快餐嘅陣容黎講，基本上你唔會有任何期望同特別，但係呢個午餐又令我真係刮目相看。至少，我無諗過，如果你唔計較價錢，你可以揀一啲比較特別嘅部位嚟食，唔係淨係食三文魚赤身油甘魚等平價野，你可以吃嘅係完全另一回事嘅食物。當然你都可以選廚師發辦，感覺又係另一回事，同你想像又完全不同。首先自己選幾件愛吃的，再從最新最時令選擇自己想吃的，來一個自選餐單，同廚師發辦都一樣自主。青柳貝壽司較為少見，先講呢個因為本身我比較大期望，但係食落去口感比較清淡， 平時見到嘅赤背好食得多。火炙北海道帶子壽司，又燒得幾好，至少又平又好食，個汁做得出色。見火炙系列做得幾好，唔俾佢停，深海池魚壽司火辣version，青出於藍勝於藍，深海池魚唔算切得特別厚，但係個感覺都幾有口感。安鱇魚肝壽司做得幾特別，用紫菜包住，加類似魚籽嘅東西，多多種口感。劍魚腩壽司，肥美到不行，不過同平時食開好有彈性嘅劍魚，就好似有少少距離，但係如果計埋價錢，合格有餘，因為夠味夠肥。
不過，當然，同前晚尖沙咀成千位嘅晚餐有一段距離，至少家傳地方服務師傅嘅水準應該都有所唔同。
但我又冇諗過，呢間以平價嘅壽司同快餐嘅陣容黎講，基本上你唔會有任何期望同特別，但係呢個午餐又令我真係刮目相看。
至少，我無諗過，如果你唔計較價錢，你可以揀一啲比較特別嘅部位嚟食，唔係淨係食三文魚赤身油甘魚等平價野，你可以吃嘅係完全另一回事嘅食物。
當然你都可以選廚師發辦，感覺又係另一回事，同你想像又完全不同。
首先自己選幾件愛吃的，再從最新最時令選擇自己想吃的，來一個自選餐單，同廚師發辦都一樣自主。
青柳貝壽司較為少見，先講呢個因為本身我比較大期望，但係食落去口感比較清淡， 平時見到嘅赤背好食得多。
火炙北海道帶子壽司，又燒得幾好，至少又平又好食，個汁做得出色。
見火炙系列做得幾好，唔俾佢停，深海池魚壽司火辣version，青出於藍勝於藍，深海池魚唔算切得特別厚，但係個感覺都幾有口感。
安鱇魚肝壽司做得幾特別，用紫菜包住，加類似魚籽嘅東西，多多種口感。
劍魚腩壽司，肥美到不行，不過同平時食開好有彈性嘅劍魚，就好似有少少距離，但係如果計埋價錢，合格有餘，因為夠味夠肥。
大吞拿魚鮫壽司，又係廚師大推，魚鮫係碎肉上，口感都好濃厚，如果你愛大拖的，不會錯。
非常少見仲有吞拿魚腦天壽司，我從未吃過，非常精彩，口感獨特，正。
當然要繼續火炙，左口魚邊壽司，油份強橫，無敵。
唔想食咁多飯，來一點刺身吧，食咗頭先幾種魚生，覺得叫活赤貝刺身同深海池魚刺身，應該不會錯，價錢一流，最喜歡赤貝刺身，爽口又新鮮。
尾聲係師傅推薦半後水道石垣鯛壽司同大拖羅，石垣鯛壽司真心無試過，那種白身魚的簡單而又多層次，你會感受佢嘅變化。
最後拖羅更不用說，一張紫菜，令成件事更有張力，油份魚香，令餐飯寫上了完美句號。
张贴
