20050611 8pm
同大熊打萛去大快活食個咖哩飯就去睇戲,途經見到越南灣晚市套餐都有咖哩飯,就入去試下,睇下邊度好食D.
﹙1﹚咖哩雞飯+南乳炸雞+ 青檸梳打﹙忘記價錢,約$35-45﹚
咖哩汁較多油,亦唔香,雞肉又霉.而放飯個隻碟竟然有好多好明顯係之前洗唔乾淨的茄汁污漬!!!呢D污漬仲係有些微隆起的立體感.污漬可以去到咁高景介,咁絕!問你死未?!飯就唔夠熱,又硬.
南乳炸雞只係普通炸雞.食唔到有南乳味.附送的一小杯酸辣醬汁竟然被冷氣風乾至果凍狀,再絕!大驚!!!去換過一杯都係一樣.真係...
青檸梳打無特別,但好夠凍.
﹙2﹚黑糯米﹙+$5﹚
唔差,幾好食.質地唔會過杰.食完成碗都唔覺漏.
此快餐店有兩趕客絕招,本人已被徹底擊倒.
唔洗講,差過大快活多多聲.
以上食记乃用户个人意见 , 并不代表OpenRice之观点。
赞好
