台站 (已結業)

留意到最近返工附近都有好多店有做外賣自取，留意到呢間黃店啲嘢食幾抵，價錢主要都係10幾蚊到$30左右，變咗同一個價錢就可以試到好多唔同嘅嘢。食物選擇都好多，餐廳裏面就有好多好似連儂牆上面貼左好多label紙！餐廳並沒座位，但係亦都有枱可以立食。因為買返屋企食，所以我就揀咗兩個唔同嘅飯，一個係肉操飯一個係魯肉飯，都好吸引，其中肉操飯就可以揀選配料，我就揀咗豬軟骨。魯肉飯方面個肉肥瘦適中，口感甚佳；肉操飯就每一口都有好多肉粒，調味充足，更有幾舊豬軟骨加添口感。兩款飯都非常之有台式風味，飯同埋肉嘅比例亦都非常恰到好處，d飯唔會食得來覺得太dry，而且份量不少，我都差啲食唔晒⋯揀多個小食黑白花枝丸味道咸香十足，而且口感比較爽口彈牙，非常不錯。