影片
更多
2019-11-09
1149 浏览
點樣可以食住瘦？其中一個方法就係立食喇！今晚決定黎食立食壽司。尖沙咀宜家開左好幾間立食壽司，今次黎到呢間立濱，我同朋友都覺得呢度有人情味好多啊，絕對唔係其他立食既快餐質素！<上壽司盛> ($108)，朋友揀左呢個，中拖羅、帆立貝、三文魚、甜蝦、金線鯛同一種我唔記得咩名既鯛魚...<特選壽司盛> ($168)，我呢個有中拖羅、韓國海膽、油甘魚、間八魚、三文魚、阿根廷赤蝦、鱸魚、黑曹以。比較特別既黑曹以，比較有咬口但味道不太濃，所以用左辣蘿蔔蓉提味。鱸魚一樣有咬口但更爽口，味道稍微濃少少。跟住我地就散叫左好多唔同款既壽司。炙燒左口魚裙邊 ($25)，呢款朋友特別要求，我就無試到，不過聞落已經香氣四溢。炙燒三文魚腩 ($20)，三文魚腩本身油脂旺盛，炙燒後油味更出，不得了！炙燒吞拿魚腩（$40），我地決定黎個終極炙燒，呢個夠曬肥，燒完簡直無敵油潤，肉質軟腍，魚油香氣絕對無可抗拒！山葵八爪魚 ($12)，朋友大讚呢個夠曬味，係調味壽司味道十足之選。芝士蟹籽（$15）蟹籽爆棚，芝士味唔算濃烈，但口感滿滿。鰻魚 ($15)，勁大塊，影張相已經就快滑落，一啖入口，非常
<上壽司盛> ($108)，朋友揀左呢個，中拖羅、帆立貝、三文魚、甜蝦、金線鯛同一種我唔記得咩名既鯛魚...
<特選壽司盛> ($168)，我呢個有中拖羅、韓國海膽、油甘魚、間八魚、三文魚、阿根廷赤蝦、鱸魚、黑曹以。比較特別既黑曹以，比較有咬口但味道不太濃，所以用左辣蘿蔔蓉提味。鱸魚一樣有咬口但更爽口，味道稍微濃少少。
跟住我地就散叫左好多唔同款既壽司。
炙燒左口魚裙邊 ($25)，呢款朋友特別要求，我就無試到，不過聞落已經香氣四溢。
炙燒三文魚腩 ($20)，三文魚腩本身油脂旺盛，炙燒後油味更出，不得了！
炙燒吞拿魚腩（$40），我地決定黎個終極炙燒，呢個夠曬肥，燒完簡直無敵油潤，肉質軟腍，魚油香氣絕對無可抗拒！
山葵八爪魚 ($12)，朋友大讚呢個夠曬味，係調味壽司味道十足之選。
芝士蟹籽（$15）
蟹籽爆棚，芝士味唔算濃烈，但口感滿滿。
鰻魚 ($15)，勁大塊，影張相已經就快滑落，一啖入口，非常軟糯味道十足！
秋刀魚（$25），9月至11月食秋刀魚既季節，呢段時間最肥美，我地總算搭到尾班車食到咁靚既秋刀魚！味道夠曬濃，唔苦唔腥。
深海池魚（$25）
油潤肥美，完全無筋，作為魚皇絕對唔係浪得虛名！
<蔥花吞拿魚腩手卷>（$40），蔥拖羅唔算太多。特登用左紙巾包住，夠曬衛生。
呢度係無收加一架，最後埋單300蚊左右，都幾滿足啦。
张贴
