影片
更多
2019-09-17
196 浏览
友人問我試過立食未? 聽就聽過，但又真係好似未試過喎，佢話咁不如一齊試下啦，就齊齊去左呢間立食壽司店店內面積一眼見晒，企近吧枱可以同師傅直接交流，氣氛比較輕鬆無拘束食物種類包括壽司/刺身/海鮮丼類，價錢合埋，仲有午市精選，岩晒附近返工嘅上班族吧枱上已預備熱茶及餐具，枱底有掛鈎可以掛袋，一切Ready準備開始今次立食等食壽司前，可以先食醃蘿蔔，牛蒡漬及等前菜，特別推介蒜頭漬，無蒜頭嘅辛辣蒜味，但口感係有蒜頭嘅爽脆，唔駛擔心食完會有蒜味，十分過癮!先叫客師傅發辦壽司盛 (10件/$298)，睇下師傅水準，上菜嘅次序會由淡味開始至濃味 :姬鯛搽上柚子汁 : 入口先食到清新柚子汁，跟住有魚肉鮮味; 目鱆魚 : 淡淡魚味金目鯛上有片酸汁啫喱 : 呢款印象幾深，估唔到酸汁啫喱配上金目鯛無論口感或味道都有驚喜，係夏天日子食少少酸甜味，更能引起胃口; 深海池魚 : 食到佢獨有鮮甜味，但食完飲啖熱茶，唔會影響之後嘅食物味道，乾淨俐落阿根廷赤蝦點配麵豉醬 : 鮮甜蝦肉之後滲入咸香麵豉醬，咸中又帶甜嘅味道，層次豐富; 油甘魚 : 食到甘香魚味，略帶軟滑感 雪花吞拿魚 : 帶有微微脂肪香滑感; 北海道海
店內面積一眼見晒，企近吧枱可以同師傅直接交流，氣氛比較輕鬆無拘束
食物種類包括壽司/刺身/海鮮丼類，價錢合埋，仲有午市精選，岩晒附近返工嘅上班族
吧枱上已預備熱茶及餐具，枱底有掛鈎可以掛袋，一切Ready準備開始今次立食
等食壽司前，可以先食醃蘿蔔，牛蒡漬及等前菜，特別推介蒜頭漬，無蒜頭嘅辛辣蒜味，但口感係有蒜頭嘅爽脆，唔駛擔心食完會有蒜味，十分過癮!
0 浏览
0 赞好
0 留言
先叫客師傅發辦壽司盛 (10件/$298)，睇下師傅水準，上菜嘅次序會由淡味開始至濃味 :
姬鯛搽上柚子汁 : 入口先食到清新柚子汁，跟住有魚肉鮮味; 目鱆魚 : 淡淡魚味
2 浏览
0 赞好
0 留言
金目鯛上有片酸汁啫喱 : 呢款印象幾深，估唔到酸汁啫喱配上金目鯛無論口感或味道都有驚喜，係夏天日子食少少酸甜味，更能引起胃口; 深海池魚 : 食到佢獨有鮮甜味，但食完飲啖熱茶，唔會影響之後嘅食物味道，乾淨俐落
3 浏览
0 赞好
0 留言
阿根廷赤蝦點配麵豉醬 : 鮮甜蝦肉之後滲入咸香麵豉醬，咸中又帶甜嘅味道，層次豐富; 油甘魚 : 食到甘香魚味，略帶軟滑感
0 浏览
0 赞好
0 留言
雪花吞拿魚 : 帶有微微脂肪香滑感; 北海道海膽 : 一瓣瓣鮮甜海膽填滿飯粒上，兩個字形容 : 滿足..........
1 浏览
0 赞好
0 留言
燒左口魚 : 燒香嘅左口魚肉再配上蔥絲，為魚身帶來少少濕度及香味，唔錯; 燒帆立貝 : 輕輕燒至略帶微焦，食落有面層有微硬，內裏仍然有佢本身嘅軟滑度，用紫菜包住食，簡單方便!
3 浏览
0 赞好
0 留言
壽司外型靚仔，飯粒酸度整體唔錯，唔會一夾散開而且份量比例算一比一，唔怕飯太大舊影響餘下食量! 跟就可以再散叫其他款式 :
呢客係師傅推介 : 赤貝壽司 ($38)，鮮甜爽脆
4 浏览
0 赞好
0 留言
黃羽太灑上柚子鹽 - 淡口魚肉配上清新柚子鹽，配搭得宜
0 浏览
0 赞好
0 留言
帆立貝刺身 (4切/$38) : 性價比相當高，一切再切成粒面，加多兩下刀功，軟綿鮮甜，仲送多幾三文魚子
4 浏览
0 赞好
0 留言
中吞拿魚腩 ($40) : 魚脂比例比起先前食嘅雪花吞拿魚減少左，但呢個油香度對於我地黎講已經足夠
3 浏览
0 赞好
0 留言
赤身 ($30): 脂肪比例更少，無筋及魚味更濃，好味
3 浏览
0 赞好
0 留言
蔥花吞拿魚腩手卷 ($40) : 採用直立式捲法，好處係由頭食到落底部都食到餡料，但略為細條左D!
1 浏览
0 赞好
0 留言
牡丹蝦 ($42) : 蝦肉大隻及口感更爽口，蝦味濃過阿根廷赤蝦，無得輸呀
10 浏览
0 赞好
0 留言
鰻魚 ($15) : 甜味蒲燒鰻魚汁加上肥美鰻魚，成為一口版鰻魚飯
11 浏览
0 赞好
0 留言
最後送上自家製甜品，每幾個月轉款，今晚係桃味信玄餅，送上一口清新香甜桃味!
15 浏览
0 赞好
0 留言
開初諗住立食會唔會好攰架?! 但期間可以同師傅傾下計，原來都無咩嘢姐，回頭率絶對唔低!
张贴
