薩莉亞意式餐廳 (奧柏‧御峯) (已結業)

講到薩利亞，不可不提真係佢地既無敵價錢，令到一眾平民都可以初嚐意大利菜入門版，是否玄門正宗不在此討論，但起碼都叫做多個選擇，幾十蚊有易，一家大細都嚐到。- 肉醬多利亞，濃濃的茄味芝味，絕對係開胃之首選。呢個係我每次必點的。- 溫泉蛋卡邦拿意大利粉，三個之中呢個最出色，溫泉蛋恰到好處，打散後與意大利粉沾上一起吃，外接雖平凡，但係屬於今日 三款中比較出色的。- 邦哥尼意粉其實我今日只係二人幫襯，不過擔心唔夠食，所以叫定多個 share 來食，呢個係下次最唔會再 encore 的，完全普通。埋單連飲品，平均每人 $56 ，比茶記貴少少，不過呢間分店人不多，所以可以坐得比較舒服，而且飲品多選擇，所以都係抵既。