平昌 Premium (已結業)

食媽又同幾位好姊妹去食好西，今次食韓燒揀咗佐敦倫敦廣場嘅呢間平昌Premium BBQ！上到去因時間尚早所以人數唔算多，環境都幾開揚同寬敞。佢地係任食120分鐘，價錢分三個等級，我地初到貴店就揀咗『大君御善』而且都係任飲雪櫃内嘅飲品！餐牌上嘅都係可以任點，有幾種唔同嘅牛肉，豬肉，雞肉等⋯⋯仲要有「烤生蠔、烤帆立貝、烤蝦、烤魷魚、烤鰻魚、烤青魚、烤梅頭肉、烤特級豬頸肉、芝士腸」等⋯韓燒黎講都算抵食，至少有海產燒烤嘛。放題menu選擇亦唔少，除左燒肉仲有韓國料理，煎海鮮蔥餅、煎泡菜餅、年糕、豆腐泡菜湯、韓式炒粉絲、石鍋飯……乜都有！再加上幾款前菜任食、飲品任拎！呢到好窩心地為大家準備埋圍裙仔，等大家食得放心唔怕會整污糟件衫啦。。圓形的燒烤盤外圍,有蛋汁和迷你小蕃薯,這些迷你小蕃薯超級香甜,其實已經熟了,在燒烤爐邊輕輕翻熱,就可以吃了。肉類方面都算唔錯架！由其個五花腩。厚度剛剛好又快熟！肥瘦均稱！牛脷夠咬口雞肉夠滑，牛仔骨都唔錯架！亦有少量蔬菜可以任點，有茄子，青椒，薯仔片⋯⋯當然仲有燒肉必點嘅生菜無限量加！不可不提嘅就係有海鮮架！有魷魚，扇貝，蠔同蝦同埋青魚！！本人就段得蝦同扇貝性價比高！