影片
更多
2018-07-10
60 浏览
今晚同朋友喺附近食完晚飯。因為叫餸唔多所以食完之後感覺可以食埋甜品。 當然唔會錯過誰甜品嘅機會啦。比較少嚟堅尼地城。 上嚟openrice一搵之下。 就見到呢間夏雪。嚟到鋪頭嘅面前見到有一條小人龍。在望遠一望入舖位。入邊嘅位置比較少。而食窩夫食雪糕嘅粉絲。都一定係會堂食。換句話說等候時間可能會比較長。冇辦法啦鬼叫自己鍾意食甜品咩。企左10零20分鐘有位啦。開心。揭下份餐牌。再望吓周圍嘅食客叫咗啲咩食物。感覺都幾吸引嘅。食埋個賣相都幾靚。 我哋叫咗1/抹茶芭菲。我個人認為就真係一般喇。食開via Tokyo ，smile ,都係比較喜歡佢哋嘅雪糕。呢度個雪糕就普通啲。轉個頭就溶晒lu。唔夠香。但賣相都算唔錯。2/伯爵茶窩夫加雪糕。原本想帶佢個黑炭窩夫。即係應該係芝麻味。 點知賣晒， 激死人咩。 都好啦伯爵茶雖然唔係我杯茶。但係都算係一個特別嘅味道， 俾次機會佢試吓啦。窩夫都幾香， 有啲伯爵茶味。窩夫嘅質地還可以啦。雪糕嘅伯爵茶味就比較假左少少。不過整體嘅賣相都幾靚。仲有新鮮嘅菠蘿，菠蘿都算甜。整體上都算合格嘅一餐。不過我會嫌佢價錢略貴。 個窩夫要＄90。就嚟破100大關喇。如果你哋真係去
因為叫餸唔多所以食完之後感覺可以食埋甜品。 當然唔會錯過誰甜品嘅機會啦。
比較少嚟堅尼地城。 上嚟openrice一搵之下。 就見到呢間夏雪。
嚟到鋪頭嘅面前見到有一條小人龍。
在望遠一望入舖位。入邊嘅位置比較少。
而食窩夫食雪糕嘅粉絲。都一定係會堂食。換句話說等候時間可能會比較長。
冇辦法啦鬼叫自己鍾意食甜品咩。
企左10零20分鐘有位啦。開心。
揭下份餐牌。
再望吓周圍嘅食客叫咗啲咩食物。
感覺都幾吸引嘅。食埋個賣相都幾靚。
我哋叫咗
1/抹茶芭菲。
我個人認為就真係一般喇。食開via Tokyo ，smile ,都係比較喜歡佢哋嘅雪糕。呢度個雪糕就普通啲。轉個頭就溶晒lu。唔夠香。
但賣相都算唔錯。
2/伯爵茶窩夫加雪糕。
原本想帶佢個黑炭窩夫。即係應該係芝麻味。 點知賣晒， 激死人咩。 都好啦伯爵茶雖然唔係我杯茶。但係都算係一個特別嘅味道， 俾次機會佢試吓啦。
窩夫都幾香， 有啲伯爵茶味。窩夫嘅質地還可以啦。雪糕嘅伯爵茶味就比較假左少少。不過整體嘅賣相都幾靚。仲有新鮮嘅菠蘿，菠蘿都算甜。
整體上都算合格嘅一餐。
不過我會嫌佢價錢略貴。 個窩夫要＄90。就嚟破100大關喇。
如果你哋真係去試，個人建議，不如試吓佢個朱古力窩夫， 我見隔離食， 個賣相都幾震撼，除咗兩舊朱古力窩夫， 上面有一舊朱古力雪糕，又有一舊朱古力心太軟。份量都幾勁。
小貼士:同大部份甜品店一樣。佢會喊你每人最少叫一個項目。所以如果真係叫朱古力窩夫， 你就要諗下大家點樣分喇。小心飽親呀
抹茶芭菲
20 浏览
0 赞好
0 留言
伯爵茶窩夫加雪糕
$90
12 浏览
0 赞好
0 留言
张贴
