Monster Burger (已結業)

放lunch果陣去佐試Monster Burger，返佐呢份新工兩個月，平時都係食慣粉飯麵，今日係同事介紹下決定要試試新野。第一次去，試佐佢地個招牌厚身牛肉burger。嘩!!好開心!塊肉真係有成吋咁厚。同老麥，漢堡國王果d唔同之處，係咬落去真係食到有肉汁，食得出係新鮮牛肉。記得上星期係老麥買過個big mac，一打開，dry到想喊。對比之下，Monster Burger呢個包都真係幾有誠意ge。不過最surprise都係佢果塊生菜，咬落去．．．脆ga!!! 好fresh好新鮮。而家好多間漢堡包店用果d蕃茄都好明顯比幾年前新鮮好多，但咁新鮮ge菜就難有d。之前成日覺得食飯ar，麵ar，d餸會豐富d。今次叫做有突破性ge發現。呢度d burger真係幾好，肉夠厚，菜又high quality。同食飯感覺上都差唔多。$40幾蚊食個漢堡包餐，係第二度我就一定say no!呢度．．都算okay!而家一星期，都可以try下lunch食少一兩日飯，食多一兩日怪獸漢堡包ge‥反正呢度周圍食mud都係咁上下價錢。但呢間Monster Burger個環境好似好座d，d位闊落d就真。