Just Salad (已結業)

朋友因為附近返工, 知道我因為天氣太熱無乜胃口食野, 就帶左我黎呢度食沙津, 我住葵涌果邊完全無呢類健康食肆, 食左烤雞凱撒沙津, 芝士碎有少少溶溶地加埋凱撒醬, 真係好好味! 羅馬菜都OK新鮮, 始終人地做生意, 唔可以要求人地好似岩岩摘出黎一樣咁新鮮, 係雞肉乾左少少, 最重要係好大兜, 唔似平時果D沙津咁, 女仔食都應該食到好飽, 樓上有位堂食, 地方好光猛好乾淨, 所以我好滿意! 淨食沙津有少少寡, 加左個湯, 我飲果日係橙湯, 少少酸好開胃!成日對住D肉都食到厭, 同埋唔係成日見到淨賣沙津o既餐廳, 不過可能$5X食個沙津, 唔係人人覺得值得, 我唔知LUNCH HOUR會唔會好多人, 不過我5, 6點去左幾次都唔係太多人, 希望佢唔再開分店都唔好咁快執啦。