影片
更多
2012-11-12
172 浏览
今晚得一支公，本來打算返屋企煮麵食，去完超市行經美孚街市附近，撞到住晌同區嘅團友「咖喱」，佢又話無飯食，相請不如偶遇，就喺咁走咗入味味佳祭五臟廟。晚市嘅茶記，大多數都供應多款小炒套餐，包飯包湯，比起去快餐店貴啲，比起上酒樓又平啲，提供一個中價嘅選擇。我哋都揀咗個二人套餐$105，有清炒時蔬1碟，指定$42小菜任揀兩款（可改$42以上嘅小菜，補差價就得喇），包例湯2碗、白飯2碗，唔包嘢飲，不過凍熱飲品特飲全部半價，但又有糖水送喎，餐牌無寫，算喺額外增值啦。椒絲腐乳炒通菜清炒時蔬揀嚟椒絲腐乳炒通菜，貪其惹味，通菜炒得爽，又夠鑊氣，份量亦有番咁上下。一個蝦醬，一個腐乳，都喺小弟炒菜至愛。涼瓜炒雞蛋 $42$42小菜都有成13款，唔想補錢嘅都有大把選擇。個涼瓜炒雞蛋又喺份量十足，涼瓜味甘，炒蛋比較碎啲，而且跟涼瓜幾分離，但整體味道唔錯。梅子蒸排骨 $45晌餐牌上$42小菜佔少數，仲有好多款唔同嘅小炒，價錢由$45-$88。上面揀咗個惹味嘅椒絲腐乳，所以排骨就唔要豉汁蒸，要個梅子蒸排骨，需補番少少錢。排骨切得較為大件，所以感覺唔喺好多，而梅子帶出嘅酸味，味道酸酸甜甜，挺開胃嘅菜式，不過蒸出嚟嘅排
晚市嘅茶記，大多數都供應多款小炒套餐，包飯包湯，比起去快餐店貴啲，比起上酒樓又平啲，提供一個中價嘅選擇。我哋都揀咗個二人套餐$105，有清炒時蔬1碟，指定$42小菜任揀兩款（可改$42以上嘅小菜，補差價就得喇），包例湯2碗、白飯2碗，唔包嘢飲，不過凍熱飲品特飲全部半價，但又有糖水送喎，餐牌無寫，算喺額外增值啦。
椒絲腐乳炒通菜清炒時蔬揀嚟椒絲腐乳炒通菜，貪其惹味，通菜炒得爽，又夠鑊氣，份量亦有番咁上下。一個蝦醬，一個腐乳，都喺小弟炒菜至愛。
涼瓜炒雞蛋 $42$42小菜都有成13款，唔想補錢嘅都有大把選擇。個涼瓜炒雞蛋又喺份量十足，涼瓜味甘，炒蛋比較碎啲，而且跟涼瓜幾分離，但整體味道唔錯。
梅子蒸排骨 $45晌餐牌上$42小菜佔少數，仲有好多款唔同嘅小炒，價錢由$45-$88。上面揀咗個惹味嘅椒絲腐乳，所以排骨就唔要豉汁蒸，要個梅子蒸排骨，需補番少少錢。排骨切得較為大件，所以感覺唔喺好多，而梅子帶出嘅酸味，味道酸酸甜甜，挺開胃嘅菜式，不過蒸出嚟嘅排骨有少少韌。
綠豆沙依晚送嘅糖水，免費嘢唔要求得太高，但話說回來，又唔差喎，幾多豆，又腍又起沙，都算有啲誠意呀！
兩個人食三個餸，其實有啲多，依個二人餐夠三個人嘅份量，除非你喺啲彪形大漢啫。食飽，講聲拜拜又各行各路。张贴
