影片
更多
2017-07-11
704 浏览
上星期日約咗老友 Gawin 去灣仔買唱片💿，兩條友去之前諗住兩餐當一餐食個tea先，諗緊去邊度食之際，突然醒起上次帶攝界新星 阿Shing👦去過嘅一間古早台南菜〖1963木十豆寸〗，餐廳食物有水準😋，價錢亦公道，而且裝修得非常有心思，於是決定介紹比Gawin同佢去一次。餐廳入口並不顯眼，有地址都好易行過龍，通常幫襯嘅都係附近住或者做嘢嘅人，樓面地方唔算細，座位大概都有六七十個，不過如果以為咁就好易搵位就錯喇🙅；我成日去灣仔，又喺灣仔返工，咁耐都只係去過3次，仲要次次都係下午茶時段☕，原因佢哋晏晝同夜晚都好full，實在唔係咁易有位(lunch不設訂座)，唯有下午茶時段，因為佢哋冇提供下午茶menu，客人要order正常午餐或者散叫，所以會少啲客上去容易啲有位。食物我就唔特別講啦，因為每個人口味都唔同，我亦唔擅長寫食評📝，不過我同我啲朋友就覺得唔錯喇😋，第一次就係由一個喺台灣做咗幾年嘢嘅朋友帶我上去，佢仲盛讚餐廳嘅菜式好正宗好有台灣地道風味添👍；呢度嘅台菜及飲品款式，有少部分我去台灣旅行嘅時候都食過，反而喺香港好多打正旗號嘅台灣料理店就搵唔到喎😅😅其實我主要想讚嘅係間餐廳嘅裝修，實在落
餐廳入口並不顯眼，有地址都好易行過龍，通常幫襯嘅都係附近住或者做嘢嘅人，樓面地方唔算細，座位大概都有六七十個，不過如果以為咁就好易搵位就錯喇🙅；我成日去灣仔，又喺灣仔返工，咁耐都只係去過3次，仲要次次都係下午茶時段☕，原因佢哋晏晝同夜晚都好full，實在唔係咁易有位(lunch不設訂座)，唯有下午茶時段，因為佢哋冇提供下午茶menu，客人要order正常午餐或者散叫，所以會少啲客上去容易啲有位。
食物我就唔特別講啦，因為每個人口味都唔同，我亦唔擅長寫食評📝，不過我同我啲朋友就覺得唔錯喇😋，第一次就係由一個喺台灣做咗幾年嘢嘅朋友帶我上去，佢仲盛讚餐廳嘅菜式好正宗好有台灣地道風味添👍；呢度嘅台菜及飲品款式，有少部分我去台灣旅行嘅時候都食過，反而喺香港好多打正旗號嘅台灣料理店就搵唔到喎😅😅
其實我主要想讚嘅係間餐廳嘅裝修，實在落咗好多心機好有特色✨，據我search到嘅一啲相關專訪介紹📖，餐廳絕大部分嘅擺設及傢俬，都係餐廳老闆由台灣各大小城鎮好辛苦咁搜羅返嚟，全部都係有半世紀以上歷史嘅真正古物而並非仿製品；茶几咁大嘅舊式座地收音機📺、盞盞不同嘅懷舊吊燈💡、凸版印刷字粒機做擺設、由舊衣車改裝嘅餐枱、古老大雪櫃、黑膠唱盤🎵、古董相機、Leica/Leitz展示櫃、舊式掛牆鐘及電話☎、用板間房扇門做嘅牆壁、充滿五六十年代懷舊氣息嘅花紋牆紙。。。
入到〖1963木十豆寸〗就好似走入咗電影《花樣年華》👠嘅拍攝場景一樣🎬，每個角落都係呃like影相位；又或者您亦可能會以為自己處身喺一間懷舊家具博物館內食緊飯都唔出奇😅😅😅
另外，餐廳個名叫〖1963木十豆寸〗咁特別，靈感原來係來自餐廳樓下一棵由美國田園歌手John Denver👱🎤栽種嘅細葉榕🍃；而1963就係餐廳坐落嘅唐樓所建成嘅年份，大家又估唔估得到呢？
张贴
