影片
更多
2019-08-29
241 浏览
平日下午去D2呢度，人流真係冇乜，小朋友要嚟玩，唯有搵間餐廳坐下。呢間餐廳成個場冇人，得我地一枱客。侍應有兩位，甫一坐低我們見餐牌只有lunch，我地又已經食飽，就只叫飲品，點知個侍應即說每人最低消費$42@。入嚟之前冇見到呢個要求，餐牌亦冇寫，唔緊要。每人設最低消費$42@，餐牌冇寫，飲品$22-$25。未入去之前根本就唔知道有最低消費嘅，點知到坐低嘅時候就知道有最低消費，咁好啦，既然有最低消費，都好正常叫一杯嘢飲，咁但係一杯嘢飲嘅價錢又唔夠最低消費嘅要求，要視乎每個人就要計算自己除咗一杯嘢飲之外仲要唔要再加多少少嘢食，先至滿足到最低消費。咁但係呢樣野唔使自己去諗嘅，因為如果你唔夠最低消費呢，個侍應就會提醒你每人爭幾多先至夠最低消費。至於呢個最低消費，係唔分大人小朋友，老年人，男人定女人，無規定你係乜嘢職業，着乜嘢衫，都係一律最低消費每人$42@，咁當然自己係屋企飲一杯野同出街飲一杯野嘅價錢係唔同，最低消費$42值唔值就見仁見智。原本我唔想寫咁多野嘅，不過驚唔夠字數。附上餐牌圖片一幅，呢個餐牌係我哋一坐低嘅時候侍應俾我哋嘅，我就搵唔到最低消費每人$42@呢一個項目。據說寫食評要寫多啲
平日下午去D2呢度，人流真係冇乜，小朋友要嚟玩，唯有搵間餐廳坐下。
呢間餐廳成個場冇人，得我地一枱客。侍應有兩位，甫一坐低我們見餐牌只有lunch，我地又已經食飽，就只叫飲品，點知個侍應即說每人最低消費$42@。入嚟之前冇見到呢個要求，餐牌亦冇寫，唔緊要。
每人設最低消費$42@，餐牌冇寫，飲品$22-$25。未入去之前根本就唔知道有最低消費嘅，點知到坐低嘅時候就知道有最低消費，咁好啦，既然有最低消費，都好正常叫一杯嘢飲，咁但係一杯嘢飲嘅價錢又唔夠最低消費嘅要求，要視乎每個人就要計算自己除咗一杯嘢飲之外仲要唔要再加多少少嘢食，先至滿足到最低消費。咁但係呢樣野唔使自己去諗嘅，因為如果你唔夠最低消費呢，個侍應就會提醒你每人爭幾多先至夠最低消費。
至於呢個最低消費，係唔分大人小朋友，老年人，男人定女人，無規定你係乜嘢職業，着乜嘢衫，都係一律最低消費每人$42@，咁當然自己係屋企飲一杯野同出街飲一杯野嘅價錢係唔同，最低消費$42值唔值就見仁見智。原本我唔想寫咁多野嘅，不過驚唔夠字數。
附上餐牌圖片一幅，呢個餐牌係我哋一坐低嘅時候侍應俾我哋嘅，我就搵唔到最低消費每人$42@呢一個項目。
據說寫食評要寫多啲關於食物同埋餐廳環境嘅嘢，我覺得呢度餐廳環境尚算乾淨，因為反正都無人，環境清靜一個人都冇，地方好大因為一個人都冇，可以坐5、6、7個鐘。
至於食物方面，我哋只係叫咗嘢飲，所以都冇乜嘢可以講好食定唔好食，咁唯有講下野飲。
凍檸茶就係黃色嘅檸檬加西式紅茶加冰，用一個杯裝住，糖水另上，你可以同侍應講少甜，不過侍應會同你講，糖水你係自己落嘅，多甜少甜係你自己決定。
熱咖啡就冇乜味，冇乜味即係有少少咖啡味但係就冇乜咖啡味，有咖啡顏色，冇咖啡香味，加埋鮮奶嘅白色，就係咖啡嘅啡色加鮮奶白色等於咖啡白色，即係有少少似大集團快餐店果類。
张贴
